Climate Smart Agriculture: वाढता उत्पादन खर्च, हवामानातील अनिश्चितता आणि बाजारातील चढ-उतार यामुळे संत्रा उत्पादक शेतकऱ्यांसमोर अनेक आव्हाने निर्माण झाली आहेत. या परिस्थितीत कमी खर्चिक व आधुनिक तंत्रज्ञानाचा अवलंब करून उत्पादनवाढ साधणे गरजेचे असल्याचे प्रतिपादन प्रगतिशील संत्रा उत्पादक शेतकरी प्रवीण बेलखेडे यांनी केले..ॲग्रोवन आणि बेलखेडे नर्सरी यांच्या संयुक्त विद्यमाने वाघोली (ता. मोर्शी) येथील बेलखेडे फार्म हाऊसवर आयोजित ‘ॲग्रो संवाद’ कार्यक्रमात ते बोलत होते. कार्यक्रमाच्या अध्यक्षस्थानी सौंसर फार्मर प्रोड्यूसर कंपनीचे अध्यक्ष अजय चौरे होते. यावेळी नितीन दळवी, अनंत औघाटे आणि प्रभाकर वाकडे यांची प्रमुख उपस्थिती होती..Smart Electronics Technology: एकाच चार्जिंगमध्ये उपकरणे चालतील महिन्यांपेक्षा अधिक.बेलखेडे यांनी आंबिया व मृगबहार व्यवस्थापन, मातीतील सेंद्रिय कर्ब वाढविणे, जैविक खते व सूक्ष्मजीवांचा वापर, सिंचन व्यवस्थापन, मृदा परीक्षणावर आधारित खत व्यवस्थापन तसेच रोग व कीड नियंत्रण या विषयांवर सविस्तर मार्गदर्शन केले. संत्राबागांमध्ये झिरो कल्टिव्हेशन पद्धतीचा अवलंब करण्याचे आवाहन करत त्यांनी वखरणी, रोटाव्हेटर किंवा उखरी वाफे टाळण्याचा सल्ला दिला..Modern Farming Techniques: शेतकऱ्यांनी जाणले संत्रा-कापूस पिकाचे तंत्रज्ञान.शेणखत व्यवस्थापनाविषयी मार्गदर्शन करताना प्रवीण बेलखेडे यांनी कच्च्या शेणखताच्या वापराबाबत महत्त्वपूर्ण माहिती दिली. कच्चे शेणखत योग्य पद्धतीने वापरल्यास जमिनीतील गांडुळे व सूक्ष्मजीवांची संख्या वाढते, ज्याचा थेट फायदा उत्पादनवाढीस होतो. गेल्या दहा वर्षांपासून हा प्रयोग स्वतःच्या शेतात यशस्वीपणे राबवत असून त्यामुळे उत्पन्नात लक्षणीय वाढ झाल्याचा दावा त्यांनी केला. कच्चे शेणखत जमिनीत खोलवर मिसळल्यास त्याच्या विघटनासाठी आवश्यक ऑक्सिजन कमी मिळतो..त्यामुळे कुजण्याऐवजी सडण्याची प्रक्रिया सुरू होऊन उष्णता निर्माण होते. याचा पिकांवर विपरीत परिणाम होऊ शकतो. हा धोका टाळण्यासाठी डिसेंबर ते जानेवारी महिन्यात कच्चे शेणखत जमिनीच्या वरच्या थरावर टाकावे. या काळात पुरेसा ऑक्सिजन व ओलावा मिळाल्याने सूक्ष्मजीव त्याचे नैसर्गिक विघटन करतात आणि जमिनीची सुपीकता वाढते, असे त्यांनी स्पष्ट केले..यावेळी सौंसर फार्मर प्रोड्यूसर कंपनीचे अध्यक्ष अजय चौरे यांनीही संत्रा उत्पादकांना भेडसावणाऱ्या विविध समस्यांवर मार्गदर्शन केले. कार्यक्रमात विक्रमी संत्रा उत्पादन घेणारे पांढूर्णा येथील शेतकरी रामनाथ सांबारे यांचा शाल व श्रीफळ देऊन सत्कार करण्यात आला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
