Nagpur News : घरगुती, कृषी, औद्योगिक, वाणिज्यिक व इतर अशा नवीन वीजजोडणी मागणाऱ्या ग्राहकांना महावितरणने त्वरित जोडणी देण्याचा सपाटा लावला आहे. त्यामुळे वर्षभरात नागपूर परिमंडळात ६२ हजार ८६३ घरगुती ग्राहकांना विजेचा प्रकाश मिळाला. कृषी वीजजोडण्याची ही संख्या ७ हजाराच्या वर पोहोचली आहे.
अर्ज केल्यानंतरही नवीन वीज जोडणी मिळण्यासाठी घरगुती ग्राहकांना वाट पाहावी लागत होती. वीज मीटरचा प्रश्न तसेच कार्यालयात हेलपाटे खावे लागत होते. मात्र, महावितरणने ही प्रक्रिया अधिक गतिमान केली आहे. त्यानुसार ‘इज ऑफ लिव्हिंग’ ही संकल्पना पुढे येऊन त्याला शहरासह ग्रामीण भागात राबविण्याचा निर्णय घेण्यात आला.
मागील वर्षी जानेवारीपासून नवीन वीजजोडणी देण्याच्या कामाला नियोजनपूर्वक वेग देण्यात आला. त्यामुळे जानेवारी ते डिसेंबर २०२३ मध्ये तब्बल ८४ हजार २३७ नवीन वीज कनेक्शन देण्यात आले. यामध्ये ६२ हजार ८६३ घरगुती ग्राहकांचा समावेश आहे.
नागपूर परिमंडळांतर्गत यापूर्वी महिन्याला ५ ते ६ हजार नवीन वीज कनेक्शन देण्यात येत होते. नंतर हा वेग सरासरी महिन्याला ७ हजारांच्या वर गेला आहे. वीज कनेक्शन मागणाऱ्या ग्राहकांना त्रास होऊ नये, तसेच सर्व प्रक्रिया सुलभ व्हावी, असा प्रयत्न महावितरणचा आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.