Maharashtra Politics : महायुती सरकारची महत्वकांक्षी ठरलेल्या लाडकी बहीण योजनेवरून वारंवार तर्कवितर्क लढवले जात आहेत. लाडकी बहीण योजना बंद होणार का यावर विधानभवनात जोरदार चर्चा होत आहे. याबाबत राज्याचे अर्थमंत्री तथा उपमुख्यमंत्री अजीत पवार यांनी ही योजना बंद होणार का यावर भाष्य करत पूर्ण चर्चेला पूर्णविराम दिला आहे. ही योजना बंद होणार नाही परंतु यातील नियमांत बदल करण्यात येणार असल्याची माहिती उपमुख्यमंत्री अजित पवार यांनी दिली.
विधानसभेत अजित पवारांनी या योजनेत काही बदल करणार असल्याचे संकेत दिले. यावर अजित पवार म्हणले की, "आम्ही या योजनेत काही दुरूस्ती करणार आहोत, पण योजना बंद करणार नाही. तसेच लाडकी बहीण योजनेतून ज्यांची नावे वगळण्यात आली आहेत, त्यांच्याकडून पैसे घेतले जाणार नाही". असंही पवार म्हणाले.
"मुख्यमंत्री लाडकी बहीण योजना अर्थव्यवस्थेला चालना देणारी ठरली. लाडकी बहीण योजनेचा वेगळा अर्थ मला सभागृहाला सांगायचा आहे. वित्तमंत्री म्हणून मी जेव्हा या योजनेकडे पाहतो, त्यावेळी या योजनेमधून राज्याच्या अर्थव्यवस्थेला भविष्यात काय मिळणार आहे, याचाही विचार करतो". असे पवार म्हणाले.
"१५०० रुपयांची थेट रोख रक्कम भगिनींना मिळते. महिला सक्षमीकरणाचं एक मोठं पाऊल सरकारने उचललं आहे. विधान परिषदेत गटनेते प्रविण दरेकर यांनी घोषणा केली होती, ती घोषणा माझ्या वाचनात आली आहे. लाडकी बहिण योजनेचा लाभ घेणाऱ्या महिलांना मुंबई बँक १० ते २५ हजारापर्यंत कर्ज देणार आहे". असेही पवार म्हणाले.
"राज्यात महिला आर्थिक विकास महामंडळासारखी संस्था आहे. जिल्हा सहकारी बँका आहेत. तसेच सहकारी बँकाही आहेत. ज्या महिलांना व्यवसाय सुरू करायचा आहे. त्यांच्यासाठी लाडकी बहीण योजना जोडून कर्ज योजना तुम्ही काढा. म्हणजे, ही योजना केवळ मदतीची राहणार नाही तर, त्यामधून महिलांचं सक्षमीकरण करण्याच्या बाबतीत आपण आणखी एक पाऊल पुढे टाकू". असेही अजित पवार यांनी सांगितलं.
"सुमारे ४५ हजार कोटी वर्षाला महिलांच्या हातात जाणार आहेत. या माध्यमातून बहीण सक्षम होऊन तिच्या कुटुंबालाही हातभार लावेल, हा पैसा राज्याच्या अर्थव्यवस्थेत येऊन अर्थव्यवस्थेला छोटं, मोठं योगदान मिळेल". असंही अजित पवार यांनी सांगितलं.
"अजित पवार यांनी मुख्यमंत्री माझी लाडकी बहीण योजनेद्वारे महिलांच्या हातात मोठी रक्कम जाणार असल्याचे सांगितले. हा थोडाथडका पैसा नाही. सुमारे ४५ हजार कोटी वर्षाला महिलांच्या हातात जाणार आहेत. या माध्यमातून ती बहीण सक्षम होईल, तिच्या कुटुंबाला हातभार लागेल आणि हा पैसा राज्याच्या अर्थव्यवस्थेत येऊन अर्थव्यवस्थेला छोटं, मोठं योगदान मिळेल, असे अजित पवार म्हणाले.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.