Satara News : कोयना धरणाच्या पाणलोट क्षेत्रात पावसाचा जोर वाढल्याने धरणात पाण्याची आवकही वाढली आहे. धरणात २४ तासांत तब्बल २.१८ टीएमसीने पाणीसाठ्यात वाढ झाली आहे.
बुधवारी (ता. २) सकाळी आठपर्यंत एकूण २३ व उपयुक्त १७. ८८ टीएमसी पाणीसाठा झाला आहे. जिल्ह्याच्या पश्‍चिम भागात मंगळवारी (ता. १) पावसाचा जोर वाढल्याने पेरणी झालेल्या पिकांना फायदा होणार आहे.
जिल्ह्यात मागील दोन दिवसांपासून पश्‍चिम भागात पावसाची रिपरिप सुरू झाली आहे. महाबळेश्‍वर, सातारा, पाटण व जावळी तालुक्यांत पावसाचा जोर अधिक आहे. कऱ्हाड, वाई तालुक्यांत पाऊस सुरू आहे.
पश्‍चिम भागातील तालुक्याच्या परिसरात शेतात पाणी साचले आहे. ओढ्या, नाले वाहू लागले आहेत. भात लागवडीस वेग आला आहे. दुष्काळी माण, खटाव, फलटण, खंडाळा व कोरेगाव तालुक्यात तुलनेत पाऊस कमी आहे.
कोयना धरण क्षेत्रात १३३, तर नवजा १०२ व महाबळेश्‍वर ४५ येथे मिलिमीटर पावसाची नोंद झाली आहे. यामुळे धरणात २१,०५८ क्युसेक पाण्याची आवक आहे. या आवकेमुळे धरणात २.१८ टीएमसी वाढ झाली आहे.
इतर धरणाच्या पाणलोट क्षेत्रात पाऊस सुरू आहे. यामध्ये धोम १३, धोम-बलकवडी २६, कण्हेर २५, उरमोडी १०८, तर तारळी येथे २० मिलिमीटर पाऊस झाला आहे. यामुळे याही धरणांच्या पाणीपातळीत वाढ झाली आहे. जिल्ह्यातील सहा प्रमुख धरणात २५.१९ टीएमसी उपयुक्त पाणीसाठा झाला आहे.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.