Ambegaon News: तालुक्यातील सातगाव पठार परिसरात खरीप हंगामात पाच हजार एकरापेक्षा अधिक क्षेत्रावरील बटाटा लागवड खोळंबली आहे. गेल्या महिनाभरात सुरू असलेल्या मुसळधार पावसामुळे शेतकऱ्यांचे नियोजन कोलमडले आहे.
बटाटा लागवडीसाठी खरेदी केलेले बियाणे घरात किंवा पत्र्याच्या शेडमध्ये सुकवण्यासाठी ठेवले असले तरी त्यातील सुमारे १० ते १२ टक्के बियाणे खराब झाले आहे. लागवडीसाठी पावसाने उघडीप देण्याची गरज आहे.
भावडी (ता. आंबेगाव) येथील शेतकरी अशोक बाजारे म्हणाले, ‘‘राज्यात गेल्या पन्नास वर्षांपासून सातगाव पठारातील पेठ, पारगाव, कोल्हारवाडी, कुरवंडी, थुगाव, भावडी, कारेगाव तसेच खेड तालुक्यांतील वाफगाव, वरुडे, जऊळके या गावांमध्ये मोठ्या प्रमाणावर बटाट्याची लागवड केली जाते.
पण यंदा मुसळधार पावसामुळे संपूर्ण वेळापत्रकच कोलमडले आहे.’’पारगावतर्फे खेड येथील शेतकरी भाऊसाहेब सावंत पाटील म्हणाले, ‘‘यावर्षी ५० एकर क्षेत्रावर बटाटा लागवड करण्याचे नियोजन आहे.
त्यासाठी ३५ टन प्रमाणित बटाटा बियाणे खरेदी केले आहे. मात्र, पावसामुळे काम करता येत नाही. बियाण्याला उष्णता व हवाच मिळत नसल्याने त्याचे नुकसान होऊ लागले आहे.’’
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.