Solapur News : सोलापूर जिल्ह्यात तुती उत्पादन व रेशीम कोष निर्मिती उद्योग बाळसे धरू लागला आहे. यावर्षी जिल्ह्यातील तुती लागवड दोन हजार एकरापर्यंत पोचण्याची आशा आहे. हिरज येथील रेशीम केंद्रात पुढील महिन्यापासून कोष खरेदी- विक्री व्यवहारही सुरू होणार आहेत. त्यामुळे उत्पादकांची विक्रीसाठी परराज्यात होणारी धावपळ थांबणार आहे.
सोलापूर कृषी उत्पन्न बाजार समितीने रेशीम कोष खरेदी-विक्री नियमन करण्याची घोषणा केली आहे. या संदर्भात बाजार समितीने नुकतीच अधिसूचना प्रसारित केली आहे. यामुळे बाजार समितीच्या कार्यक्षेत्रात येणाऱ्या भागात रेशीम कोष खरेदी- विक्रीला संरक्षण मिळणार आहे.
बाजार समितीच्या निर्णयामुळे पुढील महिन्यापासून हिरज येथे कोष खरेदी- विक्री सुरू होणार आहे. सध्या जिल्ह्यात जवळपास बाराशे एकर क्षेत्रावर तुती लागवड झाली आहे. चालू हंगामात ६०० ते ७०० एकर तुती लागवडीचे उद्दिष्ट आहे.
शासनाकडून तुती लागवड वाढण्यासाठी वेगवेगळ्या योजना राबविल्या जात आहेत. सिल्क समग्र या योजनेतून शेतकऱ्यांना तुती लागवडीपासून कोष निर्मितीपर्यंत प्रत्येक पातळीवर थेट आर्थिक साहाय्य दिले जात आहे.
सध्या राज्यात मराठवाड्यात तुती व्यवसायाने जोर धरला आहे. अत्यल्प पाण्यात शेतकऱ्यांना शाश्वत उत्पन्न देणारा हा जोडव्यवसाय आहे. दूध व्यवसायाला हा सक्षम पर्याय होऊ शकतो.
शेतकऱ्यांना शासनाकडून मनरेगातून अनुदान
तुती लागवड करण्यासाठी शासनाकडून अनुदान दिले जाते. मनरेगामधून या शेतीला अनुदान मिळत असून, प्रति शेतकरी ४ लाख ३२ हजार २४० रुपये इतके अनुदान मिळू शकते.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.