Nashik News : सुरत-चेन्नई ग्रीनफील्ड महामार्गासाठी (Surat-Chennai Greenfield Highway) संपादित जमिनींना कमी दर मिळाल्याचा आरोप होत आहे. त्यामुळे जमीन भूसंपादनास काही दिवसांपूर्वी सोलापूर (Solapur), धाराशिव (Dharashiv) जिल्ह्यातील शेतकऱ्यांनी विरोध केला होता. आता नाशिकमधील शेतकरी (Nashik Farmer) आक्रमक झाले असून हजारो शेतकऱ्यांनी नाशइक जिल्हाधिकारी कार्यालयावर मोर्चा काढला.
केंद्र सरकारच्या भारतमाला (Bharatmala) प्रोजेक्ट अंतर्गत येणाऱ्या सुरत-चेन्नई ग्रीनफिल्ड एक्स्प्रेस-वे हा सर्वात मोठा प्रकल्प प्रस्तावित आहे. हा महामार्ग नाशिक, अहमदनगर, धाराशिव व सोलापूर या चार जिल्ह्यांमधून जाणार आहे. त्यासाठी जमिनी संपादनाचे काम सुरू होणार आहे. दरम्यान, त्यांना रेडीरेकनर दरापेक्षा कमी दर दिल्याने शेतकरी नाराज आहेत.
या पार्श्वभूमीवर जिल्ह्यातील महामार्ग बाधित शेतकऱ्यांना योग्य मोबदला मिळावा यासाठी शेतकऱ्यांची कृती समिती स्थापन करण्यात आली आहे. त्यानुसार आज सोलापूर, धाराशिव जिल्ह्यातील शेतकऱ्यांनी मोर्चा काढण्यात आला आहे.
ज्या बागायती जमिनी संपादित करण्यात आल्या आहेत, त्यांना योग्य मोबदला द्यावा, या मागणीसाठी नाशिक, दिंडोरी, पेठ, निफाड, सिन्नर तालुक्यातील एकत्र येत नाशिक जिल्हाधिकारी कार्यालयावर मोर्चा काढला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.