Kohapur News : विमानाच्या धर्तीवर ट्रॅक्टर ट्राल्यांना सुद्धा जीपीएस आणि ब्लॅक बॉक्स बसवण्याचे केंद्र सरकारच्या विचाराधीन आहे. या निर्णयाला विरोध करणार असल्याची माहिती आमदार सतेज पाटील यांनी रविवारी (ता. १०) पत्रकार परिषदेत दिली
यासंदर्भात हरकती नोंदवण्याचे आवाहन श्री. पाटील यांनी केले. वेळ पडल्यास आम्ही ट्रॅक्टर मोर्चा काढू, असा इशारासुद्धा त्यांनी दिला. ते म्हणाले, की राज्य सरकारने सुद्धा याबाबत भूमिका घ्यावी.
१८ जुलैला याबाबत केंद्राने अधिसूचना काढली आहे. १८ ऑगस्टपर्यंत हरकती नोंदवण्याचे आवाहन केले आहे. पोस्टाद्वारे किंवा ई-मेलद्वारे हरकती घ्याव्यात. वेळ कमी असल्याने जास्तीत जास्त हरकती नोंदवा. याबाबत आम्ही गुगल फॉर्मद्वारे हरकती नोंदवून घेत आहोत.
ते म्हणाले, की ट्रॅक्टरला ब्लॅक बॉक्स बसवण्याची कल्पना कोणाच्या डोक्यातून आली हे कळायला मार्ग नाही. लोकांना आधीच हमीभाव नाही. त्यामध्ये आता हा २५ हजार रुपयांपर्यंत आर्थिक बोजा पडणार आहे.
त्यामुळे आम्ही ईडीआर आणि जीपीएस बनवणारी कोणती कंपनी आहे का? याबाबत माहिती घेतली पण अद्याप त्याची माहिती मिळाली नाही. हा विषय देशव्यापी असल्याने आतापासून शेतकऱ्यांनी एकत्र येण्याची गरज आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.