Rayagad News: वाढत्या मजुरीच्या दरामुळे शेती करणे परवडत नसल्याची सर्वत्र ओरड होत असताना, रोहा तालुक्यात हांदा पद्धतीने शेती करण्याकडे सर्वांचा कल वाढला आहे. शिवाय ही शेती पद्धत लाभदायक ठरत असल्याचे एकंदरीत परिस्थितीवरून दिसून येत आहे.
रायगड जिल्ह्याला भाताचे कोठार म्हणून ओळखले जाते, मात्र गेल्या काही वर्षांपासून शेती क्षेत्रावर येणारी संकटांची मालिका व वाढत्या महागाईमुळे शेती करणे परवडत नसल्याचे शेतकरीवर्गातून सांगण्यात येत आहे.
परंतु आपला वडिलोपार्जित व्यवसाय टिकवून त्यावर उपजीविका करणाऱ्या शेतकरीवर्गाची संख्याही तालुक्यात मोठी आहे. त्यामुळे शेती परवडत नसली तरी अनेकांना दुसरा पर्याय नसल्याचे सांगण्यात येत आहे. त्‍यातच शेतीसाठी लागणारे बी-बियाणे, वाढती मजुरी यामुळे शेती करणे जिकिरीचे जात आहे. त्यामुळे अनेक शेतकऱ्यांकडून सध्या हंदा पद्धतीचा वापर केला जात आहे.
या पद्धतीत मजुरी न देता एकमेकांच्या शेतावर दिवसभर काम करावे लागते, जेवढे दिवस भरले जातात, तेवढेच दिवस दुसऱ्याच्या शेतात काम करावे लागते. यामुळे मजुरांची कमतरता भासत नाही. ही हांदा पद्धत सध्या तालुक्यात शेतकरीवर्गातून मोठ्या प्रमाणात वापरताना दिसून येत आहे. याचा शेतकऱ्यांना लाभदेखील होत आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.