Solapur News : ग्रामीण भागातील शेतकऱ्यांची गरज लक्षात घेऊन जिल्हा परिषदेच्या सेस फंडातून माळशिरस तालुक्यातील शेतकरी बांधवांना विविध अवजारांसह उपकरणे, कृषी सिंचनासाठी सुधारित अवजारे, ५० टक्के अनुदानावर डीबीटी धोरणानुसार दिले जाणार असल्याची माहिती माळशिरस पंचायत समितीचे गटविकास अधिकारी आबासाहेब पवार यांनी दिली. यावेळी कृषी अधिकारी नितीन चव्हाण, भरत कोळेकर व विस्तार अधिकारी ए. एम. सरवदे उपस्थित होते.
लाभ घेण्यासाठी शेतकऱ्यांनी २० जून २०२५ पर्यंत माळशिरस पंचायत समितीत अर्ज करावा या योजनेमध्ये अल्पभूधारक, दिव्यांग, महिला शेतकरी यांना प्राधान्य दिले जाणार आहे. लाभ घेण्यासाठी शेतकऱ्यांनी सातबारा उतारा, आधार कार्ड, बॅक पासबुक झेरॉक्स प्रत, दिव्यांग लाभार्थ्यांना दिव्यांगत्वाच्या दाखल्याची झेरॉक्स प्रत, या कागदपत्रासह आपला अर्ज पंचायत समितीमध्ये करावा.
डीबीटी योजनेतून लाभार्थींची निवड झाल्यावर लाभार्थ्यांना खुल्या बाजारातून, अधिकृत विक्रेत्यांकडून अवजारे खरेदी करावी लागणार आहेत. तसेच खरेदी करावयाची शेती अवजारे अधिकृत सक्षम तपासणी संस्थानी परिक्षण करून बीआयएस अथवा अन्य संस्थानी निश्चित केलेल्या प्रमाणकानुसार तांत्रिक निकषानुसार आवश्यक असणार आहे.
लाभार्थी निवड लॉटर पद्धतीने केली जाईल. अनुदान संबंधित शेतकऱ्यांच्या आधार लिंक असलेल्या बॅक खात्यावर पीएफएमएस डीबीटी प्रणालीद्वारे अदा करण्यात येईल.
...हे मिळणार साहित्य
थ्री पिस्टन स्पे पंप, नॅपसॅक बॅटरी ऑपरेटेड स्प्रे पंप, ब्रश कटर, सोलार इनसेक्ट ट्रॅप रोटावेटर, पलटी नांगर, पॉवर विडर, पेरणी यंत्र, ५ एचपी सबमर्सिबलपंप संच, डिझेल इंजिन, कडबा कुट्टी, ताडपत्री, स्लरोफिल्टर ही अवजारे तसेच मधुमक्षिका पेटी, ताग, यांचा समावेश आहे
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.