Solapur News : शेतकऱ्यांनी मोठ्या मेहनतीने केळीचे पीक आणले असता, अचानक मागील आठ दिवसांपासून दररोज केळीच्या दरात मोठी घसरण होत आहे. निर्यातक्षम केळीचे दर प्रतिकिलो आठ ते दहा रुपयांपर्यंत घसरले आहेत. त्यामुळे केळी उत्पादक अडचणीत आले आहेत.
सध्या निर्यातक्षम केळीला प्रतिकिलोला २२ रुपये तर स्थानिक बाजारात कॅरेटसाठी सुपर खोडवा केळी १६ रुपयांपर्यंत शिवार खरेदीत दर मिळत आहे. तर सुपर खोडवा केळी निर्यातीसाठी बहुतांश कंपन्यांकडून बंद करण्यात आली आहे. या वर्षी केळीचे पीक चांगले आले असताना निर्यातक्षम केळी प्रतिकिलो २९ ते ३२ रुपये व खोडवा केळीचा २५ रुपयेपर्यंत असलेला दर पंधरा दिवसांतच २२ रुपयांपर्यंत व खोडवा केळीचा १० ते १४ रुपयांपर्यंत खाली आला आहे.
परिणामी, केळी उत्पादकांमध्ये निराशेचे वातावरण निर्माण झाले आहे. निर्यातक्षम केळीत प्रतिकिलो दहा रुपये व खोडवा केळीत १० ते १५ रुपयांपर्यंत घट झाली आहे. त्यामुळे शेतकऱ्यांना आर्थिक संकटाचा सामना करावा लागत आहे.
वर्षभर पिकाचे संगोपन केल्यानंतर आता केळी काढणीस आली आहे. परंतु दर घसरल्यामुळे पर्यायी पीक म्हणून नव्याने उसाकडून केळीकडे वळलेल्या शेतकऱ्यांचा निराशेचे वातावरण निर्माण झाले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.