Revenue Department : अहिल्यानगरला महसूलकडील प्रश्न लागणार मार्गी

Online Property Dispute Resolution : जिल्हाधिकारी कार्यालयात महसूल विभागाअंतर्गत येणाऱ्या अपील प्रकरणांवर ई-सुनावणी (ऑनलाईन) प्रक्रियेला अहिल्यानगर येथे प्रारंभ करण्यात आला आहे.
Revenue Department
Revenue DepartmentAgrowon
Published on
Updated on

Ahilyanagar News : जिल्हाधिकारी कार्यालयात महसूल विभागाअंतर्गत येणाऱ्या अपील प्रकरणांवर ई-सुनावणी (ऑनलाईन) प्रक्रियेला अहिल्यानगर येथे प्रारंभ करण्यात आला आहे. या माध्यमातून जमीन व मालमत्तेशी संबंधित वाद, हक्क नोंदणी, फेरफार, उताऱ्यावरील दुरुस्ती, तसेच मालकी हक्काच्या प्रकरणांवर आता ऑनलाइन पद्धतीने सुनावणी होणार आहे.

या मोहिमेमुळे महसूलकडील प्रश्न सुटण्याला मदत होईल असे जिल्हाधिकारी डॉ. पंकज आशिया यांनी सांगितले. महसूल विभागाकडे जमीन, मालमत्ता व इतर अनेक प्रश्न दाखल झालेले असतात. त्याचा निपटारा करण्यासाठी सुनावणी घेताना सबंधितांना येथे यावे लागत असल्याने अनेक त्रासाला सामोरे जावे लागते. आता बऱ्याच बाबी ऑनलाईन झाल्या आहेत.

त्यामुळे महसुलकडील प्रश्न सोडवण्यासाठी ऑनलाईन सुविधा उपलब्ध करून दिली आहे. अहिल्यानगर येथे अपर जिल्हाधिकारी बाळासाहेब कोळेकर यांच्या दालनात ई-सुनावणीला प्रारंभ करण्यात आला. जिल्हाधिकारी डॉ. आशिया म्हणाले की, शासनाकडून संपूर्ण महसूल व्यवस्थेला डिजिटायझेशनच्या दिशेने सुरू आहे. ‘पेपरलेस व पारदर्शक प्रशासन’ देण्याचा प्रयत्न केला जात आहे.

Revenue Department
Maharashtra Revenue Department : दलालांच्या लॉबी मोडीत काढा

ई-सुनावणी ही नवीन संकल्पना सामान्य नागरिकांसाठी हितकारक आहे. यातून महसूल प्रकरणांवरील निर्णय जलदगतीने होऊन कामकाजात अधिक आणि सुसूत्रता येईल. येत्या काळात तालुका कार्यालयांमध्येही ही सेवा कार्यान्वित करण्यात येणार आहे. नागरिकांना त्यांच्या घरी बसूनच न्याय मिळवण्याचा मार्ग मोकळा होणार आहे.

Revenue Department
Department Of Revenue : मंडल, तलाठी कार्यालयांतही आता होणार ‘ई- ऑफिस’

ई-सुनावणीमुळे महसूल विभागातील प्रलंबित प्रकरणांची संख्या कमी होण्यास मदत होणार आहे. अपर जिल्हाधिकारी कोळेकर म्हणाले की, आता पक्षकारांना, तसेच विधिज्ञांना जिल्हाधिकारी कार्यालयात वारंवार येण्याची गरज नाही.

ई-सुनावणी व्हिडिओ कॉन्फरन्सिंगद्वारे घेतली जाणार असल्याने घरबसल्या आपले म्हणणे मांडता येईल. यामुळे वेळ, प्रवासाचा खर्च व श्रम वाचण्यास मोठी मदत होणार आहे. शिवाय पारदर्शकपणे आणि वेळेत निर्णय देणे यामुळे शक्य होणार आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com