Electricity Issue : नियमित विजेची नागरिकांची मागणी

Washim News : स्थानिक नागरिकांना गेल्या काही महिन्यांपासून वीजपुरवठ्याचा सतत त्रास सहन करावा लागतो आहे. सातत्याने वीजपुरवठा खंडित होत असल्याने हा प्रकार त्वरित थांबवावा अशी मागणी नागरिकांनी केली आहे.

याबाबत महावितरण प्रशासनाला दिलेल्या निवेदनात म्हटले की, दिवसभरात वीज पुरवठा ३० ते ४० वेळा बंद सुरू होतो. कधीकधी सहा ते सात तास वीज बंद असते. वाढलेल्या ऊन्हाचा त्रास आणि खंडित वीजपुरवठ्याला नागरिक कंटाळले आहेत.

वृद्ध, रुग्ण, लहान मुलांना याचा त्रास झेलावा लागतो. खासगी रुग्णालय, प्राथमिक आरोग्य केंद्र, पीठगिरण्या, लहानमोठे उद्योग यामुळे प्रभावित झालेले आहेत.

दुसरीकडे वीजबिलाचा भरणा न करणाऱ्यांची वीज कापली जाते. अशा प्रकारे वीज कंपनीच्या अधिकाऱ्यांनी हा अनागोंदी कारभार दूर करून नागरिकांना उत्तम सुविधा द्यावी, अशी मागणी केली आहे. अमीर खान, फारुख खान, उमेश गायके, गणेश वडवाले, तिलक पाटील राऊत,

शेख आसिफ, शेख समीर, वैभव इंगोले, गणेश पानभरे, शाहरूख खान, वसीम खान, अफसोस खान, सचिन पानभरे, बाप्पूराव चव्हाण, संतोष बारड, दिनकर जाधव, अनिल काटकर, डॉ. अरविंद आडोळे, योगेश पानभरे, बाप्पूराव चव्हाण, संगत इंगोले, अंकुश चक्रणारायण, जतिन सोनोने, रवी लांभाडे आदींनी हे निवेदन दिले.