Mahesh Gaikwad
वैयक्तिक कूपनलिका असणाऱ्या शेतकऱ्यांना मोफत वीज देण्याची योजना राबविण्याचा निर्णय उत्तर प्रदेश सरकारने घेतला आहे.
शेतकऱ्यांना मोफत वीज सिंचनासाठी दिली जाणार आहे. परंतु या योजनेच्या लाभासाठी काही नियम आणि अटी घालण्यात आल्या आहेत.
३१ मार्च २०२३ पर्यंतचे वीजबील ज्या शेतकऱ्यांनी भरले आहे. अशा शेतकऱ्यांना या योजनेचा लाभ घेता येणार आहे.
या योजनेचा लाभ घेण्यासाठी शेतकऱ्यांकडे वीज कनेक्शन आणि मीटर असणे गरजेचे आहे. तसेच योजनेसाठी शेतकऱ्यांना केवायसीची प्रक्रियाही करणे आवश्यक आहे.
योजनेचा लाभ घेताना शेतकऱ्यांना त्यांच्या दुसऱ्या वीज कनेक्शनबाबतची माहितीही द्यावी लागणार आहे.
मोफत वीज दिल्या जाणारे कनेक्शन केवळ कूपनलिकेसाठीच वापरावे लागणार आहे. दुसऱ्या उपकरणांमध्ये एक पंखा आणि एक एलईडी लाईट वापरण्याची परवानागी असणार आहे.
या योजनेतंर्गत युपीच्या बुंदेलखंडच्या शेतकऱ्यांना १३०० युनिट वीज प्रतिमहिना मोफत मिळणार आहे. तर राज्यातील इतर शेतकऱ्यांना १०४५ युनिट वीज मोफत मिळणार आहे.