Pune News : पुणे जिल्ह्यातील चाकण बाजार समितीत बुधवारी (ता.१२) गावगुंडानी दहशत माजवली. दगड, कठी, कोयत्यांनी दहशत माजवत गावगुंडानी शेतकरी व व्यापाऱ्यांना जबर मारहाण केली. त्यामुळे परिसरात काही काळ भीतीचे वातावरण निर्माण झाले होते. तर गावगुंडाचा बंदोबस्त करा, अन्यथा बाजार समिती बंद ठेवू असा इशारा शेतकऱ्यांसह अडत्यांनी दिला आहे.
याबाबत मिळालेली माहिती अशी की, चाकण बाजार समितीत गावगुंडांनी दहशत माजवली. या गावगुंडांनी हप्त्याची मागणी करत बुधवारी मध्यरात्री बाजार समितीत धुमाकूळ घातला. शेतकऱ्यांसह आडत व्यापाऱ्यांना पाच ते सहा जणांच्या टोळक्याने बेदम मारहाण केली. ही झालेली मारहान सीसीटीव्ही कॅमेऱ्यात कैद झाली आहे.
दरम्यान रात्री बाजार समिती परिसरात गावगुंडांनी शेतकऱ्यांसह अडते आणि व्यापऱ्यांना हप्त्यासाठी धमकावले होते. याची तक्रार चाकण पोलिसांमध्ये करण्यात आली होती. तर या तक्रारीवरून पोलिसांनी आरोपींना अटक केली होती. मात्र पहाटे त्यांना पोलिसांनी सोडून दिले
त्यानंतर आता गावगुंडांनी बाजार समिती परिसरात येऊन शेतकऱ्यांसह अडते आणि व्यापाऱ्यांना धमकावत राडा घातला. तर दगड, कठी, कोयत्यांनी दहशत माजवत मारहान केली आहे. या घटनेमुळे समिती परिसरात शेतकरी व व्यापाऱ्यांमध्ये भीतीचे वातावरण निर्माण झाले आहे.
त्यामुळे आता चाकण बाजार समितीत शेतकऱ्यांसह आडते व व्यापाऱ्यांनी कठोर भूमिका घेत पोलिसांनी यावर आवर घालत गावगुंडाचा बंदोबस्त करावा अशी मागणी केली आहे. तसेच या गावगुंडाचा पोलिसांनी बंदोबस्त न केल्यास बाजार समिती बंद ठेवण्याचा इशारा शेतकऱ्यांसह आडते व व्यापाऱ्यांनी दिला आहे. अधिक तपास चाकण पोलीस करत आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.