Akola-Khandwa Broad Gauge : अकोला-खंडवा ब्रॉडगेज होणार

Akola News : अकोला जिल्ह्यातून जात असलेला बहुचर्चित अकोला-खंडवा मिटरगेज मार्गाचे ब्रॉडगेजमध्ये रुपांतरण केले जाणार आहे. यासाठी दक्षिण-मध्य रेल्वेच्या सिकंदराबाद मुख्यालयाकडून अकोला आणि बुलडाणा जिल्ह्यांमध्ये मोठ्या प्रमाणात जमीन वापरली जात आहे.

या जमिनीचे अधिग्रहण करण्याबाबत नुकतीच राजपत्राद्वारे अधिसूचना जारी करण्यात आली. आता ब्रॉडगेजनिर्मीतीला गती मिळेल असे बोलले जात आहे. या मार्गासाठी महाराष्‍ट्र व मध्य प्रदेशाच्या हद्दीतील वनजमीनही वापरली जाणार आहे.

अकोला, बुलडाणा जिल्हाधिकाऱ्यांना प्राधिकारी म्हणून नेमण्यात आले आहे. या रेल्वे मार्गासाठी लागणारी जमीन संपादित करण्यासाठी, आक्षेप, हरकती निकाली काढण्याच्या उद्देशाने अकोला, बुलडाणा जिल्हाधिकाऱ्यांची नियुक्ती करण्यात आली आहे.

अकोला- खंडवा ब्रॉडगेजसाठी अकोट ते आमला खुर्द दरम्यान मार्गावर समस्या उदभवत होती. ती कोंडी आता दूर होणार आहे. या रेल्वे मार्गाचा १०० गावातील नागरिकांना लाभ होईल. मध्य प्रदेशातून १५ किलोमीटर आणि महाराष्ट्रातून ५ किलोमीटर वनजमीन संपादित करावी लागणार आहे.