Sangli Lok Sabha Election : सांगली लोकसभा मतदार संघात १६६८ दिव्यांग, ज्येष्ठांचे मतदान

Sangli News : ज्येष्ठ नागरिक (८५ वयापुढील), तसेच ४० टक्क्यांहून अधिक दिव्यांग मतदारांचे मतदान १ ते ३ मे दरम्यान पार पडले. सांगली लोकसभा मतदारसंघात या तीन दिवसांत १७९७ पैकी १६६४ मतदारांनी मतपत्रिकेद्वारे मतदानाचा हक्क बजावला.

मतदानाचा टक्का वाढविण्यासाठी लोकसभा निवडणुकीत यंदा प्रथमच ज्येष्ठ व दिव्यांगांच्या घरी जाऊन मतदान घेण्यात आले. जिल्ह्यात या दोन्‍ही प्रकारच्या मतदारांची संख्या ६० हजार १३४ आहे. त्यापैकी ज्यांनी १२-डी अर्ज भरले, त्यातून १७९७ मतदार पात्र ठरले होते.

१६ एप्रिलपर्यंतचे अर्ज ग्राह्य धरण्यात आले होते. आवश्यक कागदपत्रांची पूर्तता केल्यानंतर सांगली लोकसभा मतदार संघात ८५ वर्षांहून अधिक वयाचे १५०२, तर दिव्यांग २९५ मतदार पात्र ठरले होते. यात सर्वाधिक मतदार जतमधून आहेत.

ज्येष्ठ ५३१, तर दिव्यांग ११० मतदारांनी नोंदणी केली होती. गृहभेटीद्वारे मतदानासाठी निवडणूक आयोगातर्फे केंद्रीय कर्मचारी असलेला एक सूक्ष्म निरीक्षक, दोन पोलिंग ऑफिसर, एक व्हिडिओग्राफर, एक पोलिस अशा १३८ टीम करण्यात आल्या होत्या. विधानसभा मतदारसंघनिहाय वाहतूक आराखडा बनवून कर्मचारी, अधिकारी रवाना केले.

विधानसभा मतदार संघ-ज्येष्ठ-दिव्यांग

मिरज १६६ ३१

सांगली २१७ ५१

पलूस-कडेगाव १८५ १७

खानापूर ६० ११

तासगाव-क.महांकाळ २७८ ७०

जत ४७५ १०७

एकूण- १३८१ २८७