नगर : धनगरवाडी (ता. राहाता) येथील द्राक्ष उत्पादक शेतकरी महिला व तिच्या काकाची ११ लाख रुपयांची फसवणूक केल्याप्रकरणी तालुका पोलिस ठाण्यात गुन्हा दाखल झाला आहे. याप्रकरणी एकास पोलिस कोठडी सुनावण्यात आली आहे.
धनगरवाडी येथील शेतकरी महिला ज्योती रामभाऊ लोखंडे व त्यांचे काका बाबूराव विठ्ठल शेळके यांची वाकडी शिवारात द्राक्ष बाग आहे. त्यांच्या बागेतील द्राक्ष पिकाचा २० लाख २० हजार रुपयांना अमोल जोंधळे, प्रशांत जोंधळे, प्रमोद जोंधळे, (सर्व रा. कोंची, ता. संगमनेर) यांच्याशी हा सौदा झाला होता. या सौद्यातील ठरलेल्या रकमेपैकी ९ लाख २० हजार रुपये ज्योती लोखंडे व बाबूराव शेळके यांना धनादेशाद्वारे दिले. उर्वरित ११ लाख रुपये नंतर देतो असे सांगून त्यांच्या बागेतील द्राक्षे काढून नेले. सदरची रकम वेळोवेळी मागूनही दिली नाही. फिर्यादी लोखंडे व त्यांचे काका आरोपी जोंधळे यांच्याकडे पैसे मागण्यासाठी कोंची (ता. संगमनेर) येथे गेले असता आरोपींनी शिविगाळ करून त्यांना धमकी दिली.
या प्रकरणी श्रीरामपूर तालुका पोलिस ठाण्यात वरील तिघांविरुद्ध गुन्हा दाखल केला आहे. याप्रकरणी अमोल जोंधळे यास अटक करून पोलिसांनी न्यायालयात हजर केले असता न्यायालयाने तीन दिवस पोलिस कोठडीत सुनावली.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.