Nagpur News : देशात कच्च्या तुरीची उपलब्धता यंदा कमी आहे. त्याचा फटका प्रकिया उद्योगांना बसला आहे. देशभरात सरासरी ५० टक्क्यांपेक्षा अधिक उद्योग बंद असल्याची भीती या क्षेत्रातील जाणकारांनी व्यक्‍त केली आहे. याच कारणामुळे देशांतर्गत बाजारपेठेत तुरीचे दर सातत्याने वाढत असल्याचाही दावा करण्यात आला आहे.
देशभरात सुमारे चार दशलक्ष हेक्‍टरवर तुरीखालील क्षेत्र आहे. तेलंगणा, महाराष्ट्र, कर्नाटक, आंध्रप्रदेश, मध्यप्रदेश, तमिळनाडू, ओडिशा, छत्तीसगड, गुजरात हे तूर उत्पादक राज्य आहेत. मात्र त्यानंतर सुद्धा देशाची गरज भागत नसल्याने तुरीची मागणी वाढते आणि दरही वाढतात, अशी स्थिती दरवर्षी राहते. परिणामी केंद्र सरकारला तूर आयातीचा निर्णय घ्यावा लागला. गेल्या हंगामात तुरीला संततधार पावसाचा फटका बसला. परिणामी किडरोग वाढले आणि उत्पादकता प्रभावित झाली. त्यातच देशांतर्गत व्यापाऱ्यांनी देखील साठेबाजी केल्याची शक्‍यता वर्तविली जात आहे. त्यामुळेच सुरुवातीला आठ ते नऊ हजार रुपये असलेले तुरीचे दर आता ११५०० रुपयांवर पोचले आहेत.
नागपूरच्या कळमना बाजार समितीत तुरीला सरासरी दहा हजार रुपयांचा दर मिळत आहे. मध्यप्रदेशातील काही बाजार समित्यांमध्ये मात्र ८ ते ९ हजार रुपयांचा दर तुरीला मिळत असल्याचे व्यापारी सूत्रांनी सांगितले. खरगोन बाजार समितीत मंगळवारी (ता.२२ ) ८ हजार ८५० रुपये असा दर होता. तर आवक ३७ क्‍विंटल इतकी अत्यल्प होती. दरम्यान देशांतर्गत बाजारात हमीभावापेक्षा अधिकचा दर तुरीला मिळत असल्यामागे प्रक्रिया उद्योजकांची वाढती मागणी हे कारण दिले जात आहे.
महाराष्ट्र ः १२००
मध्यप्रदेश ः ८८०
राजस्थान ः ७९०
गुजरात ः ७४०
कर्नाटक ः ७६३
छत्तीसगड - ७१९
(स्त्रोत ः ऑल इंडिया दालमिल असोसिएशन)
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.