Ajit Pawar News : महाराष्ट्र राज्य सहकारी बँक गैरव्यवहारप्रकरणी ईडीने पुरवणी आरोपपत्र दाखल केले. या दोषा आरोपपत्रात एकूण १४ जणांचा समावेश असून उपमुख्यमंत्री अजित पवार आणि त्यांच्या पत्नी सुनेत्रा पवार यांचे नाव वगळण्यात आल्याची माहिती सूत्रांनी दिली.
महाराष्ट्र राज्य सहकारी बँक गैरव्यवहार प्रकरणी ( Maharashtra Co operative Bank Scam) गेल्या अनेक वर्षांपासून राजकारण तापले आहे. यामध्ये उपमुख्यमंत्री अजित पवार यांचे नाव आल्याने त्यांच्यावर विरोधीपक्षांकडून वेगवेगळे आरोप करण्यात आल्याने त्यांच्या अडचणीत वाढ झाली होती. दरम्यान, १२ एप्रिल २०२३ रोजी ईडीने अजित पवार (Ajit Pawar) आणि त्यांच्या पत्नी सुनेत्रा पवारांशी संबंधित कंपनीविरोधात हे आरोपपत्र दाखल केले होते. त्यात अजित पवारांचे नाव नव्हते. पण, पुरवणी आरोपपत्र त्यांचे नाव असल्याची शक्यता असल्याची चर्चा होती. त्यानंतर अजित पवार यांनी शिंदे-फडणवीस सरकारमध्ये सामील झाले.
दरम्यान, गुरुवारी ईडीने पुरवणी आरोपपत्र दाखल केले. यामध्ये १४ जणांच्या नावाचा समावेश आहे. त्यात अजित पवारांचं नाव नसल्याने त्यांना मोठा दिलासा मिळाला आहे. पण या आरोपपत्रात राष्ट्रवादीचे आमदार प्राजक्त तनपुरे, प्रसाद तनपुरे, भाजपचे आमदार सुभाष देशमुख, रणजीत देशमुख, प्रसाद सागर, अलाईड अॅग्रो प्रोडक्ट, तक्षशिला सिक्युरिटीज, समीर मुळ्ये, अर्जून खोतकर यांच्या नावाचा आरोपपत्रात समावेश आहे.
या प्रकरणी ईडीने कोणतिही प्रतिक्रिया देण्यास टाळले. पण आणखी कोणी आरोपी आढळल्यास पुन्हा पुरवणी आरोपपत्राद्वारे नावाचा समावेश केला जाऊ शकतो, असं ईडी अधिकाऱ्यांनी सांगितले.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
