बांगलादेश, पाकिस्तान, नेपाळसह भारताच्या ब्रह्मपुत्रा, महानदी, गंगा व इंडस नद्यांच्या खोऱ्यात आढळणारा व चवीला अतिशय स्वादिष्ट असलेला चित्तल मासा भिगवण (ता. इंदापूर) येथील मच्छी बाजारात भलताच भाव खाऊन गेला. या माशामध्ये अधिकाधिक प्रथिने असल्याने याला मत्स्याहारी खवय्ये अधिक पसंती देतात.
महाराष्ट्रातील नद्यांमध्ये दुर्मिळाने आढळणारा हा मासा तीन-चार दिवसांपूर्वी अहमदनगर जिल्ह्यातील जामखेड येथे भोसले नावाच्या मच्छीमाराला एका तळ्यात सापडलेला हा मासा भिगवण येथील भगवान महाडिक यांच्या बापूसाहेब फिश मार्केटवर विक्रीला आला होता.
लिलाव बोलीत नवनाथ बंडगर यांनी अधिक बोली लावत खरेदी केला. पावणे दहा किलो वजनाच्या या माशाला भिगवणच्या प्रसिद्ध मासळी बाजारात प्रतिकिलो ५२० रुपये दर आल्याने या एका माशाला पाच हजार ७० रुपये एवढा उच्चांकी दर मिळाला आहे.
चित्तल माशाची वैशिष्ट्ये
चिताला असे शास्त्रीय नाव असलेल्या या माशाला इंडियन नाईफ फिश या नावानेही ओळखतात. या माशाचा रंग चकाकणारे रुपेरी असून, पाठीवर ठराविक अंतरावर सफेद आडवे पट्टे असतात. हे पट्टे शेपटीच्या टोकापर्यंत असतात. सुमारे तीन फूट लांब व अडीच फूट रुंद आकाराच्या या माशाचे प्रमुख खाद्य झिंगे, पाण्यातील कीटक व इतर लहान मासे हे आहे.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.