Pakistan News : अमेरिकेबरोबर सुरक्षा करार करण्याच्या प्रस्तावाला पाकिस्तानच्या मंत्रिमंडळाने मंजुरी दिली आहे. दोन देशांमधील अनेक वर्षे तणाव असून तो कमी करण्यासाठी या कराराचा फायदा होईल, असे येथील माध्यमांनी म्हटले आहे. हा प्रस्ताव मंजूर केल्याच्या घटनेचा पाकिस्तान सरकारने कोणताही गाजावाजा केला नाही.
अमेरिकेबरोबरील प्रस्तावित करारामुळे पाकिस्तानला लष्करी उपकरणे आणि सामुग्री मिळू शकणार आहे. या कराराबाबत दोन्ही देशांनी अद्याप अधिकृत माहिती जाहीर केलेली नाही.
पाकिस्तानचे लष्करप्रमुख जनरल असिम मुनीर आणि अमेरिकी लष्कराच्या मध्य विभागाचे प्रमुख जनरल मिशेल एरिक कुरिला यांच्यात काही दिवसांपूर्वी भेट होऊन दोन देशांमधील द्विपक्षीय संबंध सुधारण्यावर एकमत झाले होते. त्यानंतर आता त्यांच्यात ‘सीआयएस-एमओए’ या करार होणार आहे.
अमेरिका आपल्या मित्रदेशांबरोबर हा करार करते. पाकिस्तानबरोबर त्यांनी २००५ मध्ये हा करार केला होता. त्याची मुदत २०२० मध्ये संपली होती. तणावामुळे या कराराची मुदत वाढविली नव्हती. आता पुन्हा करार करून लष्करी संबंध प्रस्थापित केले जाणार आहेत.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
