Horticulture : फुले, मसाला पिकांसह जुन्या फळबागांच्या पुनरुज्जीवनाची संधी

धुळे ः एकात्मिक फलोत्पादन विकास अभियान २०२२-२३ अंतर्गत क्षेत्र विस्तार कार्यक्रम फळे, फुले, मसाला लागवड (Spices Cultivation) व जुन्या फळबागांचे पुनरुज्जीवन आदींसाठी ‘महाडीबीटी’ (MahaDBT) या ऑनलाइन प्रणालीवर अर्ज मागविण्यात आले आहेत. एकात्मिक फलोत्पादन विकास अभियानांतर्गत (Horticulture) विदेशी फळे, फुले, मसाला लागवड, आंबा, चिकू, संत्रा व मोसंबी या फळपिकांच्या जुन्या बागांचे पुनरुज्जीवन समाविष्ट आहे.

अनुदान असे ः घटक- फळे लागवड, कट फ्लॉवर्स, अल्पभूधारक शेतकरी, खर्चमर्यादा एक लाख प्रतिहेक्टर, अनुदान मर्यादा- खर्चाच्या ४० टक्के किंवा कमाल ४० हजार प्रतिहेक्टर, घटक- इतर शेतकरी, खर्चमर्यादा- एक लाख प्रतिहेक्टर, अनुदान मर्यादा- खर्चाच्या २५ टक्के किंवा कमाल २५ हजार प्रतिहेक्टर, कंदवर्गीय फुले, अल्पभूधारक शेतकरी, खर्चमर्यादा- दीड लाख प्रतिहेक्टर, अनुदान मर्यादा- खर्चाच्या ४० टक्के किंवा कमाल ६० हजार प्रतिहेक्टर.

घटक- इतर शेतकरी, खर्चमर्यादा- दीड लाख प्रतिहेक्टर, अनुदान मर्यादा- खर्चाच्या २५ टक्के किंवा कमाल ३७ हजार पाचशे प्रतिहेक्टर, घटक- सुटी फुले, अल्पभूधारक शेतकरी, खर्चमर्यादा- ४० हजार प्रतिहेक्टर, अनुदान मर्यादा- खर्चाच्या ४० टक्के किंवा कमाल १६ हजार प्रतिहेक्टर, घटक- इतर शेतकरी, खर्चमर्यादा- ४० हजार प्रतिहेक्टर, अनुदान मर्यादा- खर्चाच्या २५ टक्के किंवा कमाल १० हजार प्रतिहेक्टर, घटक- मसाला पीकलागवड, बियावर्गीय व कंदवर्गीय मसाला पिके,

खर्चमर्यादा- ३० हजार प्रतिहेक्टर, अनुदान मर्यादा- खर्चाच्या ४० टक्के रक्कम १२ हजार प्रतिहेक्टर, घटक- विदेश फळपीक लागवड, ड्रॅगन फ्रूट, अंजीर व किवी, खर्चमर्यादा- चार लाख प्रतिहेक्टर, अनुदान मर्यादा- खर्चाच्या ४० टक्के किंवा कमाल एक लाख ६० हजार प्रतिहेक्टर, घटक- पॅशन फ्रूट, ब्लूबेरी, तेंदूफळ व ॲव्हॅकॅडो, खर्चमर्यादा- एक लाख प्रतिहेक्टर, अनुदान मर्यादा- खर्चाच्या ४० टक्के किंवा कमाल ४० हजार प्रतिहेक्टर, घटक- जन्या फळबागांचे पुनरुज्जीवन, खर्चमर्यादा- ४० हजार प्रतिहेक्टर, अनुदान मर्यादा- खर्चाच्या ५० टक्के कमाल २० हजार प्रतिहेक्टर.

योजनेच्या लाभासाठी इच्छुकांनी https://mahadbtmahait.gov.in/farmer/login संकेतस्थळावर फलोत्पादन या घटकाखाली अर्ज करावेत. सातबारा उतारा, ८- अ, आधारकार्ड झेरॉक्स, आधार कार्ड संलग्न बँक पासबुकची झेरॉक्स, संवर्ग (अनुसूचित जाती/अनुसूचित जमाती) प्रमाणपत्र झेरॉक्स, पासपोर्ट आकाराचा सद्यःस्थितीचा फोटो, हमीपत्र, स्थळपाहणी अहवाल सादर करावा.