Nanded News : जिल्ह्यात ३० जून २०२३ रोजी नांदेड पाटबंधारे मंडळातील एकूण १०४ प्रकल्पात २०३.३९ दशलक्ष घनमीटरनुसार २८ टक्के पाणीसाठा शिल्लक होता. तर सिद्धेश्‍वर प्रकल्प कोरडा पडला होता. परंतु नुकत्याच झालेल्या दमदार पावसामुळे मंडळातील प्रकल्पात पाणीसाठा ७८ दशलक्ष घनमीटरनुसार २४ टक्क्यांने वाढला आहे, अशी माहिती नांदेड पाटबंधारे विभागाकडून देण्यात आली.
नांदेड जिल्ह्यात यंदा जून महिना संपत आला तरी समाधानकारक पावसाअभावी धरणसाठ्यात कमालीची घट झाली होती. ८० प्रकल्प असलेल्या लघू प्रकल्पात तसेच नऊ प्रकल्प असलेल्या मध्यम प्रकल्पातील पाणीसाठा तळाला गेला होता. ता. ३० जून रोजी नांदेड पाटबंधारे मंडळातील सिद्धेश्‍वर प्रकल्प कोरडा पडला होता. नांदेड जिल्ह्यातील एकूण १०४ प्रकल्पात २०३.३९ दशलक्ष घनमीटरनुसार २७.९३ टक्केच पाणीसाठा शिल्लक होता.
यानंतर मात्र जिल्ह्यात पावसाचे दमदार आगमन झाले. जुलै महिन्यात तब्बल दीडपट अधिक पाऊस झाल्याने वार्षिक सरासरी ६२ टक्क्यांपर्यंत पोचली. प्रकल्पातील २०३.३९ दशलक्ष घनमीटरनुसार २८ टक्के असलेला पाणीसाठा सध्या ७८ दशलक्ष घनमीटरनुसार २४ टक्क्यांपर्यंत वाढला आहे. सध्या जिल्ह्यात मोठा प्रकल्प असलेल्या विष्णुपुरी प्रकल्पात ५९.९० दलघमीनुसार ७४.१४ टक्के पाणीसाठा झाला आहे.
तर दुसरा मोठा प्रकल्प असलेल्या मानार (बारुळ) प्रकल्पात ६७.३७ दलघमीनुसार ४८.७४ टक्के पाणीसाठा झाला आहे. यासोबतच जिल्ह्यातील नऊ मध्यम प्रकल्पात ६९.५५ दलघमीनुसार ५०.०१ टक्के पाणीसाठा झाला आहे. चार कोल्हापुरी बंधाऱ्यात शून्य टक्के पाणीसाठा आहे, ८० लघू प्रकल्पात १५६.७८ दलघमीनुसार ९०.७३ टक्के पाणीसाठा आहे. नऊ उच्च पातळी बंधाऱ्यात २६.७० दलघमीनुसार १४ टक्के पाणीसाठा आहे.
जिल्ह्यात एकूण १०४ प्रकल्पात ६०५.०३ दशलक्ष घनमीटरनुसार ६२.७६ टक्के पाणीसाठा झाला आहे. यासोबतच नांदेड जिल्ह्याशेजारी असलेल्या परभणी जिल्ह्यातील येलदरी प्रकल्पात ४८५.२१ दलघमीनुसार ५९.९२ टक्के पाणीसाठा झाला आहे.
तर सिद्धेश्‍वर प्रकल्पात ३३.८१ दलघमीनुसार ४१.७२ टक्के पाणीसाठा झाला आहे. तसेच यवतमाळ जिल्ह्यातील ऊर्ध्व पैनगंगा (इसापूर) या प्रकल्पात ६०५.०३ दलघमीनुसार ६२.७६ टक्के पाणीसाठा झाल्याची माहिती नांदेड पाटबंधारे विभागाकडून देण्यात आली.
नांदेड पाटबंधारे मंडळातील प्रकल्पनिहाय पाणीसाठा
प्रकल्प दलघमी टक्केवारी
विष्णुपुरी ५९.९० ७४.१४
मानार ६७.३७ ४८.७४
मध्यम प्रकल्प (९) २६.७० १४.०१
लघू प्रकल्प (८०) १५६.७८ ९०.७३
उच्चपातळी बंधारे (९ २६.७० १४.०७
एकूण प्रकल्प १०४ ३८०.२९ ५२.२३
जिल्ह्याशेजारील प्रकल्प
येलदरी ४८५.२१ ५९.९२
सिद्धेश्‍वर ३३.८१ ४१.७२
इसापूर ६०५.०३ ६२.७६
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.