Latur News : सोयाबीन साठी खतांचा वापर शिफारशीप्रमाणे करावा असा सल्ला लातूर येथील, कृषी महाविद्यालयाचे वनस्पती कीटक शास्त्रज्ञ डॉ. विजय भामरे यांनी दिला.
रमेगाव ता. औसा जि. लातूर येथे सोयाबीन व्यवस्थापनावर ॲग्रोवन व कोरोमंडल इंटरनॅशनल यांच्यावतीने सोयाबीन व्यवस्थापन या विषयावर सोमवारी (ता. 28) सकाळी हनुमान मंदिर सभागृहात चर्चासत्र घेण्यात आले.
या चर्चासत्रात लातूर येथील, कृषी महाविद्यालयाचे वनस्पती कीटक शास्त्रज्ञ डॉ. विजय भामरे यांनी सोयाबीन व्यवस्थापनावर मार्गदर्शन केले.
डॉ. भामरे म्हणाले, की शेतकऱ्यांनी सोयाबीनमध्ये खतांचा वापर शिफारशी प्रमाणे करावा. सोयाबीन घेत असताना शेतकऱ्यांनी पीक फेरपालट करणे आवश्यक आहे. फवारणी करत असताना सुरक्षेच्या सर्व नियमांचे पालन करण्याचे आव्हान त्यांनी शेतकऱ्यांना केले.
उपस्थित शेतकऱ्यांनी विविध प्रश्न व शंका विचारून माहिती जाणून घेतली. कोरोमंडल इंटरनॅशनलचे लातूर जिल्हा प्रतिनिधी रामदास सूर्यवंशी यांनी कोरोमंडल इंटरनॅशनल कंपनीची वाटचाल सांगून पिकासाठी आवश्यक असणाऱ्या खतांबाबत माहिती दिली.
यावेळी उपसरपंच अजित शेळके, राजेंद्र पाटील, सुधीर शेळके, धीरज पाटील, बंकट फावडे, शेतकऱ्यांसह कोरोमंडल इंटरनॅशनल चे रघुराम अरीगल्ला, अजित पासमे, विकास शिंदे उपस्थित होते. ॲग्रोवनचे प्रतिनिधी बालाजी थोडसरे यांनी सूत्रसंचालन केले. शिवाजी शेळके यांनी उपस्थित सर्वांचे आभार मानले.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
