परभणी ः शेतामध्ये ये-जा करण्यासाठी महसूल विभागाने (Revenue Department) रस्ता (Farm Road) उपलब्ध करून द्यावा, या मागणीसाठी सिंगणापूर (ता. परभणी) येथील चार शेतकरी परभणी येथे मंगळवार (ता. २४)पासून उपोषणास (Farmer Protest) बसले आहेत.
यावर तोडगा न निघाल्यामुळे रविवारी (ता. २९) सहाव्या दिवशी उपोषण सुरू होते. दरम्यान विठ्ठल खिल्लारे यांची प्रकृती खालावल्याने त्यांना रुग्णालयात दाखल करण्यात आले.
सिंगणापूर येथील शेतकऱ्याची आमडापूर (ता. परभणी) शिवारातील गट क्रमांक २८८ मध्ये २० एकर जमीन आहे. या ठिकाणी रस्ता ये-जा करण्यासाठी रस्ता नसल्यामुळे चार वर्षांपासून १४ एकर जमीन पडीक आहे. शेतीमाल वाहतुकीसह अन्य कामांसाठी अडचणी येत आहे.
हे शेतकरी शेत रस्त्यासाठी २०१५ पासून महसूल विभागाकडे मागणी करत आहेत. परंतु आजवर रस्ता उपलब्ध करून न दिल्यामुळे सिंगणापूर येथील विठ्ठल खिल्लारे, श्रीरंग खिल्लारे, सदाशिव खिल्लारे, प्रदीप खिल्लारे बैलजोडीसह जिल्हाधिकारी कार्यालयासमोर मंगळवारी (ता. २४) बेमुदत उपोषणास बसले आहेत.
शनिवारी (ता. २८) विठ्ठल खिल्लारे यांची प्रकृती खालावल्याने त्यांना रुग्णालयात दाखल करण्यात आले आहे. महसूल विभागाकडून यावर या ठोस तोडगा काढला जात नसल्याने रविवारी सहाव्या दिवशी शेतकऱ्यांचे उपोषण सुरू आहे, असे श्रीरंग खिल्लारे यांनी सांगितले.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
