Agricultural Export : निर्यातवाढ होण्यासाठी प्रत्येक घटकाने प्रयत्न करावे : रामामूर्ती

बुलडाणा : देशाच्या प्रगतीमध्ये निर्यातीला (Export) महत्त्व आहे. जिल्हास्तरावरही निर्यातवाढीसाठी प्रयत्न होणे गरजेचे आहे. निर्यातीसाठी पायाभूत सोयीसुविधा आणि शासकीय मदत (Government Aid) देण्यात येईल.त्यामुळे समाजातील प्रत्येक घटकाने निर्यातीसाठी प्रयत्नशील राहावे, असे आवाहन जिल्हाधिकारी एस. रामामूर्ती (S. Ramamurti) यांनी केले.

गुंतवणूक वृद्धी, व्यवसाय सुलभीकरण, निर्यात व एक जिल्हा एक उत्पादन या विषयावर आयोजित कार्यशाळेत ते बोलत होते. वाशीमचे जिल्हा सत्र न्यायाधीश योगेश कोईनकर, जिल्हा अधीक्षक कृषी अधिकारी संतोष

डाबरे, भारतीय स्टेट बँकेचे महाप्रबंधक संजय श्रीवास्तव, उपमहाप्रबंधक पंकजकुमार बरनवाल, क्षेत्रीय प्रबंधक विशोक कुमार, निर्यात सल्लागार सुनील कोईनकर, सिडबीचे प्रबंधक श्री. नायक, अन्न व औषध प्रशासनाचे सहायक आयुक्त श्री. केदार, जिल्हा उद्योग केंद्राचे महाव्यवस्थापक सुनील पाटील उपस्थित होते.