Mumbai News शेतकऱ्यांना उच्च प्रतीची बियाणे (High Quality Seed) उपलब्ध व्हावीत, यासाठी केंद्र आणि राज्य सरकारच्या सहकार्याने राबविण्यात येणाऱ्या कृषी उन्नती योजनेअंतर्गत बियाणे व लागवड साहित्य ग्रामबीजोत्पादन (Grambijotpadan) योजनेच्या अंमलबजावणीसाठी ६.४८ कोटी रुपये वितरणास मान्यता देण्यात आली आहे.
२०२२-२३ या वर्षासाठी केंद्र सरकारच्या हिश्‍शापोटी ६ कोटी ४८ लाख ८० हजार आणि राज्य सरकारच्या ४० टक्के हिश्‍शापोटी ४ कोटी ३२ लाख ५३ हजार रुपये अशी १० कोटी ८१ लाख ३३ हजार रुपयांची तरतूद केली होती.
यापैकी राज्य सरकारच्या हिश्‍शाची ४ कोटी ३२ लाख ५३ हजार रुपयांची रक्कम वितरित झाली आहे. दरम्यान, तांत्रिक कारणामुळे केंद्र सरकारच्या हिश्‍शाची रक्कम वितरित होऊ शकली नव्हती.
त्यामुळे हा निधी २०२३-२४ या आर्थिक वर्षासाठी वितरित करण्याची मागणी कृषी आयुक्तांनी पत्राद्वारे केली होती. या मागणीस वित्त विभागाने मान्यता दिल्याने ६ कोटी ४८ लाख ८० हजार रुपये वितरित करण्यात येणार आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.