अविनाश काळे
Dharashiv News : पुनर्वसू नक्षत्र संपल्याने पावसाची संततधारही संपली. आता उघडीप दिल्याने शेत शिवारात अंतर्गत मशागतीचे काम वेगात सुरु असल्याचे चित्र दिसत आहे. दरम्यान यंदा खरिप हंगामात पावसाच्या अनियमिततेमुळे पेरण्याच्या कालावधी वाढला. शेवटच्या पाच टक्क्यातील पेरण्याचे काम सुरू आहे.
निसर्गाची वेळेवर साथ मिळाली तरच कोरडवाहु क्षेत्रातील पिक जोमाने येते. यंदा मृग नक्षत्रात पाऊस झाला नाही. आर्द्रा नक्षत्रही फारसे समाधानकारक नव्हते. कांही भागात झालेल्या पावसाने पेरणीला आधार मिळाला होता.
परंतु पावसाने दडी मारल्याने दुबार पेरणीची भिती असतानाच भितीने शेतकरी हवालदिल झाला पुनर्वसू नक्षत्राच्या संततधार पावसाने पिकांना दिलासा दिला. दरम्यान कांही मोजक्या क्षेत्रात शिल्लक क्षेत्रात पेरणीचे काम सुरू असल्याचे चित्र दिसून आले.
तणनाशक, किटकनाशक फवारणीच्या कामाला वेग
सतंतधार पावसामुळे पंधरा दिवस पिकात तण वाढले. पण रानात पाऊल ठेवणे शक्य नसल्याने शेतकऱ्यांना पिकाच्या सुरक्षिततेची कामे शक्य झाले नाहीत. गेल्या पाच, सहा दिवसापासुन बैलजोडीच्या मदतीने पिकातील अंतर्गत मशागतीचे काम केली जात आहेत,
शिवाय कमी वेळेत अधिक क्षेत्रात वाढलेले तण नाहीसे करण्यासाठी मिनी ट्रॅक्टरच्या सहाय्याने तणनाशक औषध फवारणीचे काम सुरू आहे. दरम्यान कांही क्षेत्रात आगोटी पेरण्या झाल्याने सोयाबीन क्षेत्रात रोगराईच्या शक्यतेने किटकनाशकाचीही फवारणी केली जात आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
