Maharashtra Cold : राज्यातील थंडी कमी होणार? राज्यातील अनेक भागात थंडीचा कडाका कायम

Pune News : राज्यातील बहुतांशी भागांमध्ये थंडीचे प्रमाण कमी जास्त आहे. उत्तर भारतात थंडीचा कडाका कायम दिसतो. राज्यात थंडीचे प्रमाण कमी होऊन अनेक भागात तापमान वाढ होऊ शकते, असा अंदाज हवामान विभागाने दिला आहे.

उत्तर भारतात मागील आठवड्यात थंडीचा कडाका चांगलाच वाढला होता. अनेक भागात किमान तापमान ४ अंश सेल्सिअस ते ८ अंश सेल्सिअसच्या दरम्यान होते. मात्र मागील काही दिवसांमध्ये काही भागात किमान तापमानात वाढ झालेली दिसते.

नैऋत्य अरबी समुद्रात समुद्र सपाटीपासून ३.१ चक्राकार वाऱ्यांची स्थिती दक्षिणेकडे सरकली आहे. पंजाब, हरियाना, चंदीगड, दिल्ली, पश्चिम उत्तर प्रदेशमध्ये किमान तापमान सरासरी ६ अंश सेल्सिअस ते ९ अंश सेल्सिअसच्या दरम्यान होते.

तर राजस्थान, पुर्व उत्तर प्रदेश, बिहार, झारखंड, मध्य प्रदेश, उत्तर गुजरात आणि चंदीगडच्या काही भागात तापमान १० ते १४ अंश सेल्सिअसच्या दरम्यान होते. राज्याच्या किमान तापमानात चढ-उतार सुरू आहेत.

विदर्भ आणि उत्तर महाराष्ट्रात गारठा कायम आहे. राज्यात अनेक भागात किमान तापमान घट झाली होती. मात्र काही भागात तापमानात वाढही दिसून आली. राज्यातील किमान तापमानात पुढील काही दिवसांमध्ये पुन्हा वाढ होण्याची शक्यता असल्याचे हवामान विभागाने म्हटले आहे.