Weather Update : किमान तापमानात चढ-उतार शक्य

Pune News : उत्तरेकडील थंडीचा कडाका कमी झाला असतानाच, राज्यातही थंडी कमी-अधिक होत आहे. मात्र राज्यात गारठा कायम असून, काही ठिकाणी तापमानाचा पारा १० अंशाच्या खाली आहे. राज्याच्या किमान तापमानात चढ-उतार होत थंडी कायम राहण्याची शक्यता हवामान विभागाने वर्तविली आहे.

नैर्ऋत्य अरबी समुद्रात समुद्र सपाटीपासून ३.१ चक्राकार वाऱ्यांची स्थिती तयार झाली आहे. शनिवारी (ता. २३) हरियाणातील हिस्सार येथे देशाच्या सपाट भूभागावरील नीचांकी ६.५ अंश सेल्सिअस तापमानाची नोंद झाली आहे.

पंजाब, हरियाणा, चंडीगड, दिल्ली, उत्तर प्रदेश, राजस्थान, मध्य प्रदेश, छत्तीसगड, झारखंड आणि ओडिशामध्ये अनेक भागात किमान तापमान ६ ते १२ अंशांपर्यंत वाढ झाली आहे. पंजाब, हरियाणा, दिल्ली, उत्तर प्रदेश, बिहार, आसाम, मेघालय राज्यात धुके कायम आहे.

राज्याच्या किमान तापमानात चढ-उतार सुरू असून, कायम असल्याने विदर्भासह, उत्तर महाराष्ट्रात गारठा कायम आहे. शनिवारी (ता. २३) धुळे येथील कृषी महाविद्यालयात राज्यातील ९ अंश सेल्सिअस तापमानाची नोंद झाली आहे.

परभणीतील वसंतराव नाईक मराठवाडा कृषी विद्यापीठ, जळगाव आणि गडचिरोली येथे तापमान १० अंशांपेक्षा कमी तापमानाची नोंद झाली. आज (ता. २४) विदर्भासह राज्यात गारठा टिकून राहण्याची शक्यता हवामान विभागाने वर्तविली आहे.

शनिवारी (ता. २३) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे २९.१ (१२.५), धुळे २८.० (९.०), जळगाव २८.४ (९.८), कोल्हापूर ३०.६ (१७.३), महाबळेश्वर २६.५ (१५.०), नाशिक २६.८ (१३.२), निफाड २७.२ (११.२), सांगली ३०.४ (१५.६), सातारा ३१.७ (१४.०), सोलापूर ३२.६(१५.०), सांताक्रूझ ३२.३ (१९.६), डहाणू ३०.७ (१९.५), रत्नागिरी ३५.० (२०.३),

छत्रपती संभाजीनगर २९.२ (१२.५), नांदेड २८.८ (१४.२), परभणी ३०.० (१३.०), अकोला ३१.३ (१३.८), अमरावती २९.८ (१३.८), बुलढाणा २८.६ (१३.८), ब्रह्मपूरी २९.६ (१२.९), चंद्रपूर २८.४(११.८), गडचिरोली २८.६ (१०.०), गोंदिया २७.६ (१२.५), नागपूर २८.८(१३.८), वर्धा २९.०(१४.०), वाशीम - (११.८), यवतमाळ ३१.० (११.५).

१० अंशांपेक्षा कमी तापमान असलेली ठिकाणे : धुळे ९.०, परभणी (कृषी) ९.४, जळगाव ९.८, गडचिरोली १०.