Maharashtra Rain Alert : राज्यात पावसाची उघडीप राहणार; काही ठिकाणी हलक्या ते मध्यम पावसाचा अंदाज

Pune News : राज्यातील बहुतांशी भागात मागील चार दिवसांपासून पावसाने उघडीप दिली आहे. तर काही ठिकाणी राज्यात हलक्या ते मध्यम स्वरुपाच्या सरी पडत आहेत. हवामान विभागाने पुढील पाच दिवस राज्यात काही ठिकाणी हलक्या ते मध्यम पावसाचा अंदाज दिला. 

आजही राज्यातील बहुतांशी भागात पावसाने उघडीप दिली होती. हवामान विभागाने राज्यात पावसाची विश्रांती राहील, असा अंदाज दिला होता. काही भागात मात्र हलक्या ते मध्यम सरी पडल्या.

मात्र सर्वदूर पाऊस नव्हता. उद्याही हवामान विभगााने राज्यात पावसाची उघडीप राहील असा दिला. मात्र नांदेड, परभणी, हिंगोली, जालना, छत्रपती संभाजीनगर, जळगाव, धुळे आणि नंदूरबार जिल्ह्यात काही ठिकाणी हलक्या ते मध्यम पावसाचा अंदाज दिला. 

बुधवारी विदर्भ वगळता राज्यातील इतर भागात हलक्या ते मध्यम पावसाचा अंदाज हवामान विभागाने दिला. मराठवाडा, खानदेश, मध्य महाराष्ट्र आणि कोकणात काही ठिकाणी हलक्या ते मध्यम पावसाचा अंदाज हवामान विभागाने दिला. गुरुवारीही राज्यातील काही जिल्ह्यांमध्ये ठिकठिकाणी हलक्या सरी पडतील, असा अंदाज हवामान विभागाने दिला.