Maharashtra Rain Update : राज्यातील बहुतांश भागात पावसाची उघडीप; पुढील पाच दिवसाचा हवामान अंदाज काय ? 

Pune News : मागील आठवड्यापासून राज्यातील पावसाचा जोर ओसरला आहे. त्यामुळं शेती कामांना वेग आला आहे. राज्यात आज मुख्यत: उघडीपीसह तुरळक ठिकाणी हलक्या सरी हजेरी लावण्याची शक्यता हवामान विभागानं वर्तवली आहे.

तर पुढील पाच विविध भागात उघडीप राहण्याचा अंदाज वर्तवण्यात आला आहे. आज राज्यातील पालघर, ठाणे, मुंबई, रायगड, रत्नागिरी, सिंधुदुर्ग, नाशिक, अहमदनगर, कोल्हापूर, सातारा, हलक्या तुरळक ठिकाणी हलक्या सरी हजेरी लावण्याचा अंदाज आहे.

तर धुळे, नंदुरबार, जळगाव, नाशिक पुणे जिल्ह्यात तुरळक ठिकाणी पावसाची शक्यता वर्तवण्यात आली आहे. तर उर्वरित राज्यात मुख्यत: उघडीप राहण्याचा अंदाज आहे. राज्यात पुढील पाच तुरळक ठिकाणी हलक्या सरी हजेरी लावतील.

परंतु प्रमुख्याने पाऊस विश्रांती घेण्याची शक्यता आहे. विविध भागात फवारणी, खुरपणीची कामे सुरू आहेत. कोरड्या हवामानमुळे कामांना वेग आलेला आहे. मागील आठवड्यात बहुतांश भागात जोरदार सरीनं हजेरी लावली होती. त्यामुळे शेती कामांना ब्रेक लागला होता. आता पावसानं विश्रांती घेतल्यानं कामांना वेग आला आहे.