Rain Update : राज्यातील विविध भागात वाढतोय उन्हाचा चटका! राज्यात शुक्रवारपासून पावसाची शक्यता?

Weather Forecast : राज्यात दुपारी उन्हाचा चटका काहीसा वाढू लागला आहे. सकाळचा गारठाही कमी झाला आहे. राज्यात शुक्रवारीपासून काही भागात पावसाची शक्यता हवामान विभागाने वर्तवली आहे. विदर्भ आणि मराठवाड्यात पावसाला पोषक स्थिती तयार होत असल्याचं हवामान विभागाने जाहीर केलं आहे.

आज मराठवाडा मध्य महाराष्ट्र, कोकण गोव्यात उन्हाचा चटका काहीसा वाढला होता. तर मागील चोवीस तासात जळगाव येथे १४.५ अंश सेल्सियस किमान तापमानाची नोंद झाली.

उत्तर भारतातील पंजाब, हरियाणा, चंडीगढ, उत्तराखंडचा मैदानी प्रदेश, उत्तर राजस्थानमध्ये सरासरी ते सरासरीपेक्षा कमी तापमानाची नोंद झाली तर दिल्ली उर्वरित राजस्थान, उत्तरप्रदेश आणि उत्तर मध्यमध्यप्रदेशमध्ये कमाल तापमानात काहीशी वाढ झाली.

सर्वात कमी ४.२ सेल्सियस अंश तापमानाची नोंद हरियाणातील कर्नाल येथे झाली. हिमालच आणि पंजाबमध्ये तुरळक ठिकाणी थंडीच्या लाटेची शक्यता आहे.

मंगळवारी आणि बुधवारी अरुणाचलप्रदेशच्या काही भागात तर हिमालय आणि पश्चिम बंगाल, सिक्कीम आसाम, मेघालय, नागालँड, मिझोराम, मणिपूर आणि त्रिपुरा हलक्या पावसाची शक्यता आहे. तर शुक्रवारपासून विदर्भ आणि मराठवाड्यात हलक्या पावसाच्या सरीची शक्यता हवामान विभागाने वर्तवली आहे.