Maharashtra Weather : तापमानात चढ उतार राहणार; राज्यातील थंडी कमीच, दुपारी उष्णता वाढल्याने उकाडाही जाणवतोय

Pune News : राज्यातील बहुतांशी भागात वाढलेले तापमान कायम आहे. थंडी अद्यापही गायब असल्याने अनेक ठिकाणी दुपारी उकाडा जाणवत आहे. राज्यात पहाटे धुके पडत असून, किमान तापमानात हळूहळू घट होत आहे. राज्यातील तापमानात चढ उतार राहतील, असा अंदाज हवामान विभागाने दिला. 

उत्तरेकडील राज्यांमध्येही थंडी कमी जास्त होत आहे. डिसेंबर महिन्यात उत्तरेकडून येणारे थंड वाऱ्याचे प्रवाह मागील दोन आठवड्यांपासून खंडीत होण्याला सुरु झाली होती. अद्यापही प्रवाह खंडीत झालेले आहेत.

त्यामुळे राज्यात थंडी कमी आहे. आज बिहारमधील डेहरी येथे देशातील सर्वात कमी ४.४ अंश सेल्सिअस तापमानाची नोंद झाली होती. राज्यातही थंडी कमी झालेी आहे. तर काही ठिकाणी धुके आणि दव पडत आहे. सकाळी हवेतील गारवा काही प्रमाणात वाढलेला दिसत असला तरी दुपारी उन्हाचा चटका कायम दिसत आहे.

काही ठिकाणी अंशतः ढगाळ वातावरणही होते. आज जळगाव येथे १२.९ अंश सेल्सिअस तापमानाची नोंद झाली होती. तर ठाणे येथे सर्वाधिक ३५ अंश सेल्सिअस तापमानाची नोंद झाली होती.