Summer Heat Update : उन्हाचा चटका अन् घामाच्या धारा

Pune News : राज्यात कमाल तापमान सातत्याने वाढत असून, उन्हाळा सुरू झाल्याचे चित्र आहे. अनेक ठिकाणी तापमान ३७ अंशांपार असल्याने उन्हाचा चटका अधिक तापदायक होत असून, उकाड्यात वाढ झाल्याने घामाच्या धारा वाहू लागल्या आहेत. आज (ता. ११) राज्यातील उन्हाची ताप कायम राहण्याची शक्यता हवामान विभागाने वर्तविली आहे.

नैर्ऋत्य राजस्थान आणि दक्षिण अंतर्गत कर्नाटकमध्ये चक्राकार वारे वाहत आहेत. मराठवाडा आणि पूर्व विदर्भात ढगाळ हवामान होत आहे. उन्हाचा चटका वाढल्याने घराबाहेर पडणे तापदायक ठरत असतानाच, उकाडा वाढल्याने घामटा निघत आहेत.

रविवारी (ता. १०) किमान तापमानाचा पारा वाढल्याने थंडी गायब झाली आहे. सकाळपर्यंतच्या २४ तासांत सोलापूर येथे राज्यातील उच्चांकी ३९.४ अंश सेल्सिअस तापमान नोंदले गेले. विदर्भात कमाल तापमान ३८ अंशांच्या पुढे गेले आहे. आज (ता.११) उन्हाचा चटका आणि उकाडा कायम राहण्याची शक्यता हवामान विभागाने वर्तविली आहे.

रविवारी (ता. १०) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३५.९ (१४.८), धुळे ३५.५ (१०.४), जळगाव ३६.० (१३.५), कोल्हापूर ३६.७ (२१.३), महाबळेश्वर ३१.१ (१८.४), मालेगाव ३८.० (१६.८), नाशिक ३४.६ (१३.२), सांगली ३७.७ (२०.१), सातारा ३६.५ (१८.०), सोलापूर ३९.४ (२२.४), सांताक्रूझ ३५.२ (१९.५), डहाणू ३१.९ (१७.९), रत्नागिरी ३६.४ (१९.५),

छत्रपती संभाजीनगर ३४.८ (१७.१), नांदेड ३६.८ (२०.२), परभणी ३६.६ (१९.५), अकोला ३७.१ (१८.५), अमरावती ३६.० (२०.३), बुलढाणा ३५.४ (१९.०), ब्रह्मपूरी ३८.२ (२०.४) चंद्रपूर ३८.२ (१९.०), गडचिरोली ३६.० (१९.४), गोंदिया ३४.३ (१८.२), नागपूर ३५.२ (१८.४), वर्धा ३७.० (१९.६), वाशीम ३६.८ (१६.८), यवतमाळ ३८.५ (२१.०).