Pune News : सूर्य तळपायला लागल्याने राज्यात उन्हाचा चटका तापदायक ठरत आहे. कोकणातील रत्नागिरी येथे सलग दुसऱ्या दिवशी देशातील उच्चांकी तापमानाची नोंद झाली. शनिवारी (ता. २२) सकाळ पर्यंतच्या २४ तासांमध्ये रत्नागिरीत ३८.४ अंश तापमान नोंदले गेले. आज (ता. २४) कोकणात उष्ण व दमट हवामानामुळे सतर्कतेचा इशारा (येलो अलर्ट) देण्यात आला आहे.
कमाल तापमानात वाढ होत असून, राज्यात सर्वदूर उन्हाचा चटका वाढला आहे. रविवारी (ता. २३) कोकणातील रत्नागिरीसह सांताक्रूझ, दक्षिण मध्य महाराष्ट्रातील सोलापूर, जेऊर, मराठवाड्यातील परभणी, विदर्भातील अकोला, चंद्रपूर, यवतमाळ येथे ३६ अंशांपेक्षा अधिक तापमानाची नोंद झाली. दुपारच्या वेळी उन्हाचा झळा वाढल्याने घराबाहेर पडणे तापदायक ठरत आहे. उकाड्याने घामाच्या धारा वाहत आहेत.
दरम्यान उत्तर महाराष्ट्रात गारठा कायम असून, राज्यातही पहाटे काहीसा थंडावा जाणवत आहे. रविवारी (ता. २३) निफाड येथील गहू संशोधन केंद्रात राज्यातील नीचांकी ११.४ अंश सेल्सिअस तापमानाची नोंद झाली.
आज (ता. २४) कोकणातील ठाणे, मुंबई, रायगड आणि रत्नागिरी जिल्ह्यांत उन्हाचा चटका वाढणार असल्याने उष्ण व दमट हवामानाचा इशारा देण्यात आला आहे. राज्याच्या कमाल-किमान तापमानात चढ-उतार कायम राहण्याची शक्यता हवामान विभागाने वर्तविली आहे.
रविवारी (ता. २३) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :
ठिकाणे---तापमान कमाल---तापमान किमान
पुणे---३५.६---१५.१
अहिल्यानगर---निरंक---१४.६
धुळे---३३.५---११.८
जळगाव---३४.५---१४
जेऊर---३६.५---१६.५
कोल्हापूर---३४.९---२१.५
महाबळेश्वर---३०.७---१७.५
मालेगाव---३४.२---१५.६
नाशिक---३४.५---१४.७
निफाड---३४.०---११.४
सांगली---३५.८---१८.३
सातारा---३५.८---१७
सोलापूर---३८---१९.९
सांताक्रूझ---३७.२---२१
डहाणू---३२.६---२०.६
रत्नागिरी---३८.४---२१.३
छत्रपती संभाजीनगर---३५.७---१७.४
धाराशिव---३५.२---निरंक
परभणी---३६---१७
परभणी (कृषी)---३४.६---१३.२
अकोला---३६.६---१८
अमरावती---३५.६---१६.५
भंडारा---३५---१८
बुलडाणा---३३.८---१८.२
ब्रह्मपुरी---३५.२---१६.४
चंद्रपूर---३६.४---निरंक
गडचिरोली---३५---१६.६
गोंदिया---३३---१५
नागपूर---३४.६---१५.४
वर्धा---३५.६---१६.४
वाशीम---३५.४---निरंक
यवतमाळ---३६.४---१६.४
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.