Pune News: कोकण, घाटमाथ्यावर पावसाचा जोर कायम आहे. राज्याच्या अंतर्गत भागात मात्र जोरदार पावसाची प्रतीक्षा आहे. आज (ता. २५) कोकण, घाटमाथ्यावर पावसाचा जोर वाढणार असल्याने दक्षतेचा इशारा (ऑरेंज अलर्ट) आहे. तर विदर्भासह उर्वरित राज्यात जोरदार पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे.
उत्तर प्रदेश आणि परिसरावर समुद्र सपाटीपासून ५.८ किलोमीटर उंचीपर्यंत चक्राकार वारे वाहत आहेत.
या प्रणालीपासून वायव्य बंगालच्या उपसागरापर्यंत हवेचा पूर्व-पश्‍चिम कमी दाबाचा पट्टा कायम आहे. पंजाबपासून उत्तर बांगलादेशपर्यंत, तसेच अरबी समुद्रापासून झारखंडपर्यंत हवेचे कमी दाबाचे पट्टे सक्रिय आहेत. झारखंड आणि परिसरावर चक्राकार वाऱ्यांची स्थिती आहे. मंगळवारी (ता. २४) सकाळपर्यंतच्या २४ तासांमध्ये विदर्भातील भंडारा येथे राज्यातील उच्चांकी ३६ अंश तापमानाची नोंद झाली. कोकण, घाटमाथ्यावर पावसाचा जोर होत असल्याने अनेक ठिकाणी अतिवृष्टी होत आहे.
आज (ता. २५) पालघर, ठाणे, रायगड, रत्नागिरी, नाशिक घाटमाथा, पुणे घाटमाथा, सातारा घाटमाथा, कोल्हापूरच्या घाटमाथ्यावर जोरदार सरींची शक्यता असल्याने दक्षतेचा इशारा (ऑरेंज अलर्ट) आहे. मुंबई, सिंधुदुर्ग, नाशिक, नंदूरबार, अमरावती, वर्धा, यवतमाळ जिल्ह्यांत जोरदार पावसाचा अंदाज असल्याने, तसेच उर्वरित विदर्भ, मराठवाडा आणि उत्तर महाराष्ट्रात विजांसह पावसाची शक्यता असल्याने सतर्कतेचा इशारा (येलो अलर्ट) देण्यात आला आहे.
हरियाना, पंजाबमध्ये मॉन्सूनची प्रगती
नैॡत्य मोसमी वाऱ्यांनी (मॉन्सून) देशाचा बहुतांश भाग व्यापला असून, मंगळवारी (ता. २४) मॉन्सूनने उत्तर अरबी समुद्र, हिमाचल प्रदेश, जम्मू- काश्मीरचा उर्वरित भाग, पश्‍चिम उत्तर प्रदेशचा आणखी काही भाग, हरियाना, पंजाबच्या आणखी काही भागात प्रगती केली. पुढील दोन दिवसांत राजस्थान, पंजाब, हरियानाचा आणखी काही भाग, दिल्ली तसेच पश्‍चिम उत्तर प्रदेश उर्वरित भागात मॉन्सून दाखल होण्याची शक्यता आहे.
मंगळवारी (ता. २४) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :
ठिकाणे---तापमान कमाल---तापमान किमान
पुणे---२८.९---२०.८
अहिल्यानगर---२९.०---२३.४
धुळे---३३.०---२१.०
जळगाव---३२.४---२४.४
जेऊर---३३.०---२१.०
कोल्हापूर---२४.८---२२.१
महाबळेश्‍वर---२०.०---१८.१
मालेगाव---३०.०---२१.४
नाशिक---२४.९---२०.८
निफाड---२७.१---२१.८
सांगली---२८.९---२०.८
सातारा---२७.१---२२.१
सोलापूर---३३.३---२४.२
सांताक्रूझ---३०.७---२३.४
डहाणू---२७.८---२३.४
रत्नागिरी---२९.९---२४.६
छत्रपती संभाजीनगर---३०.०---२३.२
धाराशिव---निरंक---२१.०
परभणी---३२.०---२४.०
परभणी (कृषी)---३५.५---३२.८
अकोला---३१.०---२४.८
अमरावती---२९.८---२२.७
भंडारा---३६.०---२५.०
बुलडाणा---२८.०---२३.०
ब्रह्मपुरी---३१.६---२४.१
चंद्रपूर---३३.२---२४.४
गडचिरोली---३०.८---२४.०
गोंदिया---३१.०---२४.२
नागपूर---३१.८---२५.१
वर्धा---३१.५---२४.६
वाशीम---३१.६---२३.२
यवतमाळ---३०.६---२३.०
जोरदार पावसाचा इशारा (ऑरेंज अलर्ट) :
पालघर, ठाणे, रायगड, रत्नागिरी, नाशिक घाटमाथा, पुणे घाटमाथा, सातारा घाटमाथा, कोल्हापूर घाटमाथा.
जोरदार पावसाचा इशारा (येलो अलर्ट) :
मुंबई, सिंधुदुर्ग, नाशिक, नंदुरबार, अमरावती, वर्धा, यवतमाळ.
विजांसह वादळी पावसाची शक्यता (येलो अलर्ट) :
धुळे, जळगाव, छत्रपती संभाजीनगर, जालना, परभणी, हिंगोली, नांदेड, बुलडाणा, अकोला, वाशीम, नागपूर, भंडारा, गोंदिया, गडचिरोली, चंद्रपूर.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.