Pune News: कोकण, घाटमाथ्यावर पाऊस कोसळत असला तरी राज्याच्या अंतर्गत भागात मात्र पावसाने उघडीप दिली आहे. आज (ता. २४) कोकण, घाटमाथा आणि विदर्भात जोरदार पावसाची शक्यता असल्याने सतर्कतेचा इशारा (येलो अलर्ट) देण्यात आला आहे. तर रायगड, रत्नागिरी जिल्ह्यांत पावसाचा जोर अधिक असण्याची शक्यता असल्याने दक्षतेचा इशारा (ऑरेंज अलर्ट) हवामान विभागाने दिला आहे.
उत्तर प्रदेश आणि परिसरावर समुद्र सपाटीपासून ५.८ किलोमीटर उंचीपर्यंत चक्राकार वारे वाहत आहेत. या प्रणालीपासून बंगालच्या उपसागरापर्यंत हवेचा पूर्व-पश्चिम कमी दाबाचा पट्टा कायम आहे. उत्तर आंध्र प्रदेश आणि दक्षिण ओडिशाच्या किनाऱ्यालगत चक्राकार वाऱ्यांची स्थिती आहे. सोमवारी (ता. २३) सकाळपर्यंतच्या २४ तासांमध्ये विदर्भातील यवतमाळ येथे राज्यातील उच्चांकी ३६ अंश तापमानाची नोंद झाली. कोकण, घाटमाथ्यावर पावसाच्या जोरदार सरी कोसळत आहेत. राज्याच्या अंतर्गत भागात मात्र जोरदार पावसाची प्रतीक्षा आहे.
कोकण आणि घाटमाथ्यावर पावसाच्या सरीमागून सरी येत आहेत. आज (ता. २४) रायगड, रत्नागिरी जिल्ह्यात जोरदार सरींची शक्यता असल्याने दक्षतेचा इशारा (ऑरेंज अलर्ट) आहे. पालघर, मुंबई, ठाणे, सिंधुदूर्ग, नाशिक घाटमाथा, पुणे घाटमाथा, सातारा घाटमाथा, कोल्हापूरचा घाटमाथा, अमरावती, वाशीम, वर्धा, भंडारा जिल्ह्यात जोरदार पावसाचा अंदाज असल्याने, तसेच उर्वरित विदर्भात विजांसह पावसाची शक्यता असल्याने सतर्कतेचा इशारा (येलो अलर्ट) देण्यात आला आहे. उर्वरित राज्यात मुख्यतः उघडिपीसह तुरळक ठिकाणी हलक्या पावसाची शक्यता आहे.
मॉन्सूनची प्रगती शक्य
नैॡत्य मोसमी वाऱ्यांनी (मॉन्सून) देशाचा बहुतांश भाग व्यापला असून, रविवारी (ता. २२) मॉन्सूनने संपूर्ण लडाख, हिमाचल प्रदेश, आणि जम्मू काश्मिरचा बहुतांश भाग, पंजाबच्या काही भागात प्रगती केली. सोमवारी (ता. २३) मॉन्सूनची वाटचाल कायम होती. पुढील दोन दिवसांत पश्चिम उत्तर प्रदेश, हिमाचल प्रदेश जम्मू काश्मीरचा उर्वरित भाग, पंजाब, हरियाना, चंडीगड, दिल्लीचा आणखी काही भाग आणि राजस्थानच्या आणखी काही भागांत मॉन्सून दाखल होण्याची शक्यता आहे.
सोमवारी (ता. २३) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :
ठिकाणे---तापमान कमाल---तापमान किमान
पुणे---२९.६---२२.७
अहिल्यानगर---निरंक---२३.३
धुळे---३३.५---२१.५
जळगाव---३१.५---२५.०
जेऊर---३४.५---२०.५
कोल्हापूर---२८.६---२२.२
महाबळेश्वर---२०.१---१८.१
मालेगाव---३१.४---२२.४
नाशिक---२८.०---२२.१
निफाड---२८.३---२२.७
सांगली---२९.९---२२.९
सातारा---२७.८---२२.०
सोलापूर---३४.३---२४.०
सांताक्रूझ---३२.१---२८.०
डहाणू---२८.४---२३.९
रत्नागिरी---३१.०---२५.१
छत्रपती संभाजीनगर---२९.५---२३.४
धाराशिव---३०.६---२१.८
परभणी---३३.९---२५.१
परभणी (कृषी)---३५.५---२४.५
अकोला---३१.७---२५.४
अमरावती---३१.०---२४.५
भंडारा---३१.०---२५.०
बुलडाणा---२८.२---२२.८
ब्रह्मपुरी---३३.०---२५.९
चंद्रपूर---३५.८---२५.८
गडचिरोली---३२.६---२५.६
गोंदिया---३०.१---२४.८
नागपूर---३२.४---२६.०
वर्धा---३३.०---२६.०
वाशीम---३१.६---२३.६
यवतमाळ---३६.०---२४.०
जोरदार पावसाचा इशारा (ऑरेंज अलर्ट) :
रायगड, रत्नागिरी.
जोरदार पावसाचा इशारा (येलो अलर्ट) :
पालघर, मुंबई, ठाणे, सिंधुदूर्ग, नाशिक घाटमाथा, पुणे घाटमाथा, सातारा घाटमाथा, कोल्हापूर घाटमाथा, अमरावती, वाशीम, वर्धा, भंडारा.
विजांसह वादळी पावसाची शक्यता (येलो अलर्ट) :
बुलडाणा, अकोला, नागपूर, गोंदिया, गडचिरोली, चंद्रपूर.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.