Pune News: नैॡत्य मोसमी वाऱ्यांच्या (मॉन्सून) प्रवासाचा वेग कायम असल्याने मॉन्सूनने बुधवारी (ता. २८) मध्य महाराष्ट्र, मराठवाड्याच्या आणखी काही भागांसह विदर्भात प्रगती केली आहे. मुंबई, अहिल्यानगरसह बीड, परभणी, हिंगोली, नांदेड, यवतमाळ, चंद्रपूर, गडचिरोली जिल्ह्यांच्या काही भागापर्यंत मॉन्सूनने मजल मारली आहे.
शनिवारी (ता. २४) मॉन्सून केरळसह कर्नाटक किनारपट्टीवर दाखल झाला. रविवारी (ता. २५) मॉन्सूनने तळ कोकणातील सिंधुदुर्ग जिल्ह्याच्या देवगडपर्यंत धडक दिली. त्यानंतर सोमवारी (ता.२६) मॉन्सूनने मुंबईसह पुणे, धाराशिवपर्यंत मॉन्सून पोहोचला होता. बुधवारी (ता. २८) मॉन्सूनने आणखी प्रगती केली आहे.
बुधवारी मॉन्सूनने महाराष्ट्रासह कर्नाटक, आंध्र प्रदेशचा उर्वरित भाग, तेलंगणचा बहुतांश भाग, छत्तीसगड, ओडिशाचा काही भाग आणि बंगालच्या उपसागराच्या आणखी काही भागात प्रगती केली असल्याचे हवामान विभागाने स्पष्ट केले आहे. मॉन्सूनच्या वाटचालीची सीमा मुंबई,
अहिल्यानगर, अदिलाबाद, दंतेवाडा ते आगरतळा, गोपाळपूरपर्यंत होती. वाटचालीस पोषक हवामान असल्याने पुढील दोन दिवसांत ईशान्य भारताच्या उर्वरित भागासह सिक्कीम, पश्‍चिम बंगालच्या हिमालयाकडील भाग,
छत्तीसगड, ओडिशाच्या आणखी काही भागांत मॉन्सून दाखल होण्याची शक्यता आहे. बंगालच्या उपसागरातून मॉन्सूनची चाल होणार असली, तरी अरबी समुद्रातून मॉन्सूनच्या वाटचालीचा वेग मंदावण्याचे संकेत आहेत
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.