Pune News : ढगाळ आकाश, पावसाची हजेरी यामुळे राज्यात थंडी ओसरली आहे. राज्यात पावसाने उघडिप दिली असली तरी किमान तापमानातील वाढ कायम आहे. पुढील दोन दिवसांत किमान तापमानात २ ते ३ अंशांची घट होण्याची शक्यता हवामान विभागाने वर्तविली आहे.
उत्तर भारतात थंडीचा कडाका पुन्हा वाढू लागला आहे. देशाच्या सपाट भूभागावर यंदाच्या हंगामात प्रथमच पारा उणे पातळीवर घसरला आहे. गुरूवारी (ता. ११) राजस्थानमधील सिकार येथे देशाच्या सपाट भूभागावरील नीचांकी उणे ०.५ अंश सेल्सिअस तापमान नोंदले गेले.
राज्यात थंडी कमी झाली असून, धुळे येथील कृषी महाविद्यालयात राज्यातील नीचांकी १३.५ अंश सेल्सिअस तापमानाची नोंद झाली. उर्वरित राज्याच्या बहुतांश भागात किमान तापमान १४ ते २४ अंशांच्या दरम्यान आहे.
अरबी समुद्रात केरळच्या किनाऱ्यालगत चक्राकार वाऱ्याची स्थिती विरून जाताच राज्यातील पावसाची परिस्थिती निवळली आहे. राज्यात काही ठिकाणी अंशतः ढगाळ हवामान होते. आजपासून (ता. १२) मुख्यतः निरभ्र आकाशासह किमान तापमानात हळूहळू घट होण्याची शक्यता हवामान विभागाने वर्तविली आहे.
गुरूवारी (ता. ११) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअस मध्ये) :
पुणे २५.९ (१७.३), धुळे २८.५ (१३.५), जळगाव २७.२ (१६.१), कोल्हापूर २७.३ (१९.१), महाबळेश्वर २३.१ (१५.०), नाशिक २९.० (१७.८), निफाड २७.८ (१७.१), सांगली २६.५ (१८.७), सातारा २५.२ (१७.४), सोलापूर २९.०(१९.४), सांताक्रूझ ३०.८ (२३.६), डहाणू २८.४ (२०.६), रत्नागिरी ३१.१ (२३.७),
छत्रपती संभाजीनगर २५.६ (१४.६), नांदेड ३०.८ (१९.०), परभणी ३०.२ (१७.५), अकोला २६.८ (१७.०), अमरावती २८.८ (१६.७), बुलढाणा २५.७ (१७.०), ब्रह्मपूरी ३३.० (१८.१), चंद्रपूर ३०.२ (१७.०), गडचिरोली २८.० (१६.४), गोंदिया २९.२ (१५.२), नागपूर ३०.१(१७.४), वर्धा ३१.२(१५.२), वाशीम ३१.२ (१५.२), यवतमाळ ३२.५ (१५.५).
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.