Weather Update : कमाल तापमानात वाढ होण्याचा हवामान विभागाचा अंदाज

Pune News : मागील आठवड्यात झालेल्या गारपीट आणि वादळी पावसानंतर राज्यात आता उन्हाचा चटका वाढू लागलाय. राज्यात पुढील पाच दिवस कोरड्या हवामानासह उन्हाचा चटका अधिक तापदायक ठरण्याची शक्यता हवामान विभागाने वर्तवली आहे.

राज्यात पहाटेच्या तापमानाही काहीशी वाढ झाली आहे. त्यामुळे हवेतील गारवाही कमी झाला आहे. तसेच राज्यभर दुपारी उन्हाचा चटका वाढला आहे. 

उत्तर भारतात मागील चोवीस तासात अरुणाचल प्रदेशच्या बहुतांश भागात तर जम्मू काश्मीर, लडाख, गिलगिट, मुझ्झाफराबाद, हिमाचल प्रदेश आणि उत्तराखंडमध्ये पावसासह हिमवर्षा झाली.

तसेच पुढील तीन दिवसांत उत्तर भारतातील काही भागात पावसाचा आणि हिमवर्षाचा अंदाज हवामान विभागाने दिला आहे.राज्यात सरासरी तापमानाचा पारा ३४ अंशाच्या पार गेलाय.

तर मागील २४ तासात सोलापूर जिल्ह्यात सर्वाधिक ३६.८ अंश सेल्सियस तापमानाची नोंद झाली. पुढील पाच दिवस राज्यातील हवामान कोरडे राहून राज्यातील १ ते २ अंशानं कमाल तापमानात वाढ होण्याची शक्यता हवामान विभागाने व्यक्त केली आहे.