Weather Update : राज्याच्या तापमानात चढ-उतार शक्य

Pune News : राज्यात मार्च महिन्यातच उन्हाळ्याची चाहूल लागली आहे. अनेक ठिकाणी कमाल तापमानाचा पारा ३४ अंशापार असतानाच उत्तर महाराष्ट्राच्या किमान तापमानात घट झाल्याचे दिसून आले आहे. आज (ता. ५) राज्यात कमाल आणि किमान तापमानातील वाढ कायम राहण्याची शक्यता हवामान विभागाने वर्तविली आहे.

गेल्या आठवड्यात राज्याच्या विविध भागात वादळी पाऊस आणि गारपिटीने तडाखा दिला. यातच दुपारच्या वेळी उन्हाचा चटका, उकाडा चांगलाच वाढल्याने घामटा निघाला. सोमवारी (ता. ४) सकाळपर्यंतच्या २४ तासांत मालेगाव येथे राज्यातील उच्चांकी ३७.४ अंश सेल्सिअस तापमानाची नोंद झाली आहे. विदर्भात अनेक ठिकाणी कमाल तापमान ३५ अंशांच्या पार आहे.

मध्य महाराष्ट्रातील धुळे येथे नीचांकी ८ अंश, निफाड येथील गहू संशोधन केंद्रात ८.२ अंश आणि साताऱ्यामध्ये १० अंश तापमानाची नोंद झाली. मध्य महाराष्ट्राच्या किमान तापमानात घट झाली आहे. यातच मध्य प्रदेशपासून विदर्भ, तेलंगण, कर्नाटक ते उत्तर तमिळनाडूपर्यंत हवेचा कमी दाबाचा पट्टा सक्रिय आहे. राज्यात अंशतः ढगाळ हवामान आहे. आज (ता.५) चढ-उतार होण्याची शक्यता हवामान विभागाने वर्तविली आहे.

सोमवारी (ता. ४) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३१.४ (१३.०), धुळे ३१.० (८.०), जळगाव ३०.३ (१३.२), कोल्हापूर ३३.६ (१८.७), महाबळेश्वर २६.१ (१४.२), मालेगाव ३७.४ (१४.२), नाशिक २७.८ (१२.४), निफाड २८.० (८.२), सांगली ३४.० (१८.९), सातारा ३३.२ (१०.०), सोलापूर ३५.७ (२१.०), सांताक्रूझ २८.८ (१७.९), डहाणू २६.२ (१६.१), रत्नागिरी ३१.४ (१९.६),

छत्रपती संभाजीनगर ३१.८ (१४.२), नांदेड ३४.४ (२१.४), परभणी ३४.४ (१९.०), अकोला ३४.२ (१७.५), अमरावती ३३.६ (१८.७), बुलडाणा ३३.८ (१५.०), ब्रह्मपुरी ३६.४ (२३.०) चंद्रपूर ३६.८ (२०.२), गडचिरोली ३४.८ (१९.०), गोंदिया ३३.८ (२०.६), नागपूर ३५.० (२१.६), वर्धा ३५.० (२१.०), वाशीम ३५.४ (१५.६), यवतमाळ ३५.० (१७.७).