Maharashtra Weather Alert : कमी दाबाचे क्षेत्र पूरक ठरल्याने राज्यात हलक्या ते जोरदार पावसाने हजेरी लावली आहे. राज्यात सुरू असलेला पाऊस पुन्हा ओसरण्याचे संकेत आहेत. आज (ता. २२) कोकणात तुरळक ठिकाणी जोरदार, तर उर्वरित राज्यात हलक्या पावसाचा अंदाज हवामान विभागाने वर्तविला आहे.
मॉन्सूनचा आस असलेला कमी दाबाचा पट्टा सर्वसाधारण स्थितीच्या दक्षिणेकडे असून, दोन दिवसांत ते पुन्हा उत्तरेकडे जाण्याची शक्यता आहे. हा आस राजस्थानच्या बिकानेर, कोटा, गुना, सिधी, देहरी, बालूरघाट ते नागालँड पर्यंत विस्तारला आहे. मध्य प्रदेशातील कमी दाबाचे क्षेत्र निवळले असून, वायव्य मध्य प्रदेशात समुद्रसपाटीपासून ४.५ किलोमीटर उंचीवर चक्राकार वारे वाहत आहेत.
राज्यात ढगाळ हवामानासह ऊन सावल्यांचा खेळ सुरू असून, सोमवारी (ता. २१) पावसाने पुन्हा उघडीप दिली आहे. आज (ता. २२) कोकणातील रायगड आणि रत्नागिरी जिल्ह्यात तुरळक ठिकाणी जोरदार पावसाचा इशारा आहे. उर्वरित राज्यात हलक्या पावसाची शक्यता वर्तविण्यात आली आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
