Pune News: किमान तापमानात वाढ झाल्याने राज्यात थंडी कमी झाली आहे. राज्यात उन्हाचा चटका आणि उकाडा जाणवत आहे. आजपासून (ता. २९) राज्यात आकाश अंशतः ढगाळ होण्याची व किमान तापमानात वाढ होण्याची शक्यता हवामान विभागाने वर्तविला आहे.
एकामागोमाग येणाऱ्या पश्चिमी चक्रवातांबरोबरच वायव्य भारतात १२.६ किलोमीटर उंचीपर्यंत १४५ नॉट्स वेगाने पश्चिमेकडील जोरदार वाऱ्यांचे प्रवाह कायम आहेत.
उत्तर भारतात थंडीचा कडाका कमी-अधिक होत असून, मंगळवारी (ता. २८) राजस्थानातील फतेहपूर येथे देशाच्या सपाट भूभागावरील नीचांकी १ अंश सेल्सिअस तापमानाची नोंद झाली.
राज्यात पहाटे गारठा, धुक्याची चादर कायम असली तरी दुपारच्या वेळी उन्हाचा चटका आणि उकाडा घामटा काढत आहे.
मंगळवारी (ता. २८) धुळे येथील कृषी महाविद्यालयात राज्यातील नीचांकी ११.५ अंश सेल्सिअस तापमानाची नोंद झाली. उर्वरित राज्यात किमान तापमान १२ ते २० अंशांच्या दरम्यान आहे.
मंगळवारी (ता. २८) सकाळपर्यंतच्या २४ तासांत रत्नागिरी येथे ३६ अंश सेल्सिअस तापमानाची नोंद झाली.
अनेक ठिकाणी कमाल तापमानाचा पारा ३३ अंशांच्या वर गेला आहे. आजपासून (ता. २९) राज्यात आकाश ढगाळ होण्याची शक्यता आहे. किमान तापमानात १ ते ३ अंशांची वाढ होत शनिवारपासून (ता.१) पावसाला पोषक हवामान होण्याची शक्यता हवामान विभागाने वर्तविली आहे.
मंगळवारी (ता. २८) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :
ठिकाणे---तापमान कमाल---तापमान किमान
पुणे---३४.२---१५.०
अहिल्यानगर---३३.२---१३.३
धुळे---३२.५---११.५
जळगाव---३३.४---१५.४
जेऊर---३४.५---१४.५
कोल्हापूर---३२.०---१८.२
महाबळेश्वर---२९.९---१६.७
मालेगाव---३१.४---१६.०
नाशिक---३३.६---१४.४
निफाड---३२.८---१२.५
सांगली---३३.८---१६.९
सातारा---३४.४---१४.६
सोलापूर---३५.४---१९.४
सांताक्रूझ---३३.८---१८.०
डहाणू---२८.२---१७.९
रत्नागिरी---३६.०---१९.४
छत्रपती संभाजीनगर---३३.६---१६.१
धाराशिव---३२.०---१४.०
परभणी---३४.१---१६.०
परभणी (कृषी)---३२.६---११.४
अकोला---३५.०---१६.५
अमरावती---३३.८---१५.५
भंडारा---३०.०---१५.०
बुलडाणा---३३.३---१६.६
ब्रह्मपुरी---३५.१---१४.४
चंद्रपूर---३३.०---निरंक
गडचिरोली---३२.०---१५.२
गोंदिया---२९.८---१४.६
नागपूर---३१.६---१४.२
वर्धा---३४.०---१५.०
वाशीम---३४.२---१९.६
यवतमाळ---३४.२---१६.६
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.