Maharashtra Rain: विदर्भात जोरदार पावसाचा इशारा

Pune News: राज्यात पावसाने उघडीप दिल्यानंतर विदर्भात पावसाला पोषक हवामान होत आहे. आज (ता. ३०) संपूर्ण विदर्भासह कोकण, घाटमाथ्यासह तुरळक ठिकाणी जोरदार सरींची शक्यता असल्याने दक्षतेचा इशारा (येलो अलर्ट) हवामान विभागाने दिला आहे. उर्वरित राज्यात ऊन सावल्यांच्या खेळात हलक्या सरींची शक्यता आहे.

वायव्य मध्य प्रदेश आणि परिसरावर कमी दाबाचे क्षेत्र सक्रिय आहे. त्याला लागूनच समुद्र सपाटीपासून ५.८ किलोमीटर उंचीपर्यंत चक्राकार वाऱ्यांची स्थिती कायम आहेत. मॉन्सूनचा आस असलेला कमी दाबाचा पट्टा गंगानगरपासून, दिल्ली, कमी दाबाचे केंद्र, सतना, दाल्तोंगंज, जमशेदपूर ते ईशान्य बंगालच्या उपसागरापर्यंत कायम आहे. अरबी समुद्रापासून दक्षिण बांगलादेशापर्यंत हवेचा कमी दाबाचा पट्टा सक्रिय आहे.

मंगळवारी (ता. २९) सकाळपर्यंतच्या २४ तासांमध्ये कोकण, घाटमाथा आणि मध्य महाराष्ट्राच्या धरण क्षेत्रामध्ये पावसाच्या सरी मागून सरी सुरू होत्या. उर्वरित राज्यात ऊन सावल्यांच्या खेळ आणि ढगाळ हवामानासह अधूमधून सरी पडल्या. ढगाळ आकाश, पावसाची हजेरी यामुळे कमाल तापमानातील घट कायम आहे. बहुतांश ठिकाणी पारा ३० अंशांच्या खाली असून, जेऊर येथे राज्यातील उच्चांकी ३१.५ अंश सेल्सिअस तापमानाची नोंद झाली.

आज (ता. ३०) कोकणातील रायगड, रत्नागिरी, मध्य महाराष्ट्रातील पुणे आणि सातारा जिल्ह्याचा घाटमाथा, तसेच विदर्भातील बुलडाणा, अकोला, अमरावती, वाशीम, यवतमाळ, वर्धा, नागपूर, भंडारा, गोंदिया, चंद्रपूर, गडचिरोली या जिल्ह्यांत जोरदार सरींची शक्यता असल्याने दक्षतेचा इशारा (येलो अलर्ट) आहे. उर्वरित राज्यात ढगाळ हवामानासह हलक्या पावसाची शक्यता हवामान विभागाने वर्तविली आहे.

मंगळवारी (ता. २९) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---२७.१---२१.९

‎‎धुळे---३०.०---२०.५

जळगाव---२७.७---२३.४

जेऊर---३१.५---२०.०

‎‎कोल्हापूर---२५.२---२१.२

‎महाबळेश्वर---१८.७---१७.२

मालेगाव---२७.२---२२.४

नाशिक---२५.४---२२.२

‎निफाड---२७.०----२२.६

‎सांगली---२७.४---२१.४

‎सातारा---२६.८---२१.८

‎सोलापूर---३१.३---२३.०

‎सांताक्रूझ---२९.४---२६.६

डहाणू---२८.६---२५.०

‎रत्नागिरी---२९.९---२३.६

‎छत्रपती संभाजीनगर---२७.४---२२.३

‎धाराशिव---२७.६---२०.९

‎परभणी---३१.३---२२.८

परभणी (कृषी)---३१.०---२२.२

‎‎अकोला---२९.६---२४.२

अमरावती---२८.२---२२.०

भंडारा---२७.०---२१.०

बुलडाणा---२७.४---२२.८

‎ब्रह्मपुरी---२९.४---२४.०

चंद्रपूर---३०.२---२३.६

‎गडचिरोली---२९.४---२३.२

‎गोंदिया---२७.२---२३.२

‎नागपूर---२८.२---२४.०

‎वर्धा---२९.५---२३.८

‎वाशीम---२७.०---२१.८

‎यवतमाळ---२८.०---२२.२

जोरदार पावसाचा इशारा (येलो अलर्ट) :

रायगड, रत्नागिरी, पुणे घाटमाथा, सातारा घाटमाथा, बुलडाणा, अकोला, अमरावती, वाशीम, यवतमाळ, वर्धा, नागपूर, भंडारा, गोंदिया, चंद्रपूर, गडचिरोली.