Weather Update Pune : मॉन्सून पुन्हा सक्रिय होऊ लागल्याने राज्यात पावसाला सुरूवात झाली आहे. काही ठिकाणी मध्यम ते जोरदार स्वरूपाच्या पावसाने हजेरी लावली आहे.
आज (ता. ४) दक्षिण कोकणातील रत्नागिरी, सिंधुदुर्ग जिल्ह्यात जोरदार पावसाचा 'यलो अलर्ट' देण्यात आला आहे. संपूर्ण विदर्भासह मराठवाड्याच्या काही भागात विजांसह पावसाची शक्यता हवामान विभागाने वर्तविली आहे.
मॉन्सूनचा आस असलेला कमी दाबाचा पट्टा हिमालयाच्या पायथ्याकडे कायम आहे. वायव्य उत्तर प्रदेशमध्ये समुद्र सपाटीपासून१.५ ते ३.१ किलोमीटर उंचीवर, ओडिशामध्ये समुद्र सपाटीपासून ४.५ ते ७.६ किलोमीटर उंचीवर चक्राकार वारे वाहत आहेत. यातच बंगालच्या उपसागरातील संभाव्य कमी दाब क्षेत्रामुळे राज्यात मॉन्सून पुन्हा सक्रिय होण्यास पोषक हवामान होत आहे.
राज्यात पावसाला पोषक हवामान झाले असले तरी, उन्हाचा चटका आणि उकाडा वाढला आहे. आज (ता. ४) कोकणातील रत्नागिरी, सिंधुदुर्ग जिल्ह्यात तुरळक ठिकाणी जोरदार पावसाचा इशारा देण्यात आला आहे.
संपूर्ण विदर्भासह मराठवाड्यातील धाराशिव, लातूर, नांदेड जिल्ह्यात विजांसह पाऊस पडण्याचा इशारा आहे. तर उर्वरित राज्यात हलक्या पावसाचा अंदाज हवामान विभागाने वर्तविला आहे.
कमी दाब क्षेत्राची होतेय निर्मिती
ईशान्य बंगालच्या उपसागरात समुद्र सपाटीपासून ५.८ किलोमीटर उंचीवर चक्राकार वाऱ्यांची स्थिती निर्माण झाली आहे. या वाऱ्यांच्या प्रभावामुळे मंगळवारपर्यंत (ता. ५) या भागात हवेचे कमी दाबाचे क्षेत्र तयार होण्याचे संकेत आहेत. वरील चक्राकार वाऱ्यांपासून उत्तर आंध्र प्रदेशच्या किनाऱ्यालगत हवेचा कमी दाबाचा पट्टा सक्रिय आहे.
जोरदार पावसाचा इशारा :
रत्नागिरी, सिंधुदुर्ग.
विजांसह पावसाचा इशारा :
धाराशिव, लातूर, नांदेड, बुलढाणा, अकोला, वाशीम, अमरावती, यवतमाळ, वर्धा, नागपूर, भंडारा, गोंदिया, चंद्रपूर, गडचिरोली.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
