Maharashtra Rain : राज्यातील बहुतांश जिल्ह्यात जोरदार पावसाचा इशारा; पुढील पाच दिवस हवामानाचा अंदाज काय ? 

Pune News : राज्यातील काही भागात हजेरी लावणार पाऊस गुरुवारपासून म्हणजेच उद्यापासून उघडीप देण्याची शक्यता आहे. तसेच आज राज्यातील कोकण, मध्यमहाराष्ट्र, मराठवाड्यात काही जिल्ह्यात जोरदार पावसाचा इशारा देण्यात आला आहे.

तर विदर्भातील बहुतांश जिल्ह्यात तुरळक ठिकाणी विजासह पावसाची शक्यता हवामानशास्त्र विभागाने वर्तवली आहे.आज राज्यातील रायगड, रत्नागिरी, सिंधुदुर्ग पुणे, कोल्हापुर, सातारा आणि नाशिक जिल्ह्यात तुरळक ठिकाणी जोरदार पावसाचा अंदाज आहे.

तसेच नंदुरबार, जळगाव, संभाजीनगर, परभणी, हिंगोली जिल्ह्यात तुरळक ठिकाणी वाऱ्यासह जोरदार पाऊस हजेरी लावण्याची शक्यता आहे. तर विदर्भातील अकोला, अमरावती, भंडारा, बुलढाणा, चंद्रपुर, गडचिरोली. गोंदिया, नागपूर, वर्धा, वाशिम आणि यवतमाळ या जिल्ह्यात तुरळक ठिकाणी विजासह पावसाचा अंदाज हवामान विभागाने वर्तवला आहे.

तसेच उर्वरित राज्यात तुरळक ठिकाणी पावसाच्या हलक्या सरी हजेरी लावण्याची शक्यता आहे. मागील आठवड्यात राज्यातील विविध भागात पावसाने हजेरी लावली होती. त्यामुळं शेती पिकांचं नुकसान झालं.

राज्यातील पावसाचा जोर ओसरला गुरुवारपासून ओसरणार आहे. तर तुरळक ठिकाणी हलक्या पावसाच्या सरी हजेरी लावतील, अशी शक्यता वर्तवण्यात आली आहे.