Rain Alert Maharashtra : विदर्भ, मराठवाड्यात विजांसह पावसाची शक्यता

Monsoon Rain Update : मॉन्सूनचा आस असलेला कमी दाबाचा पट्टा अमृतसरपासून, चंडीगड, श्‍यामली, शहाजहानपूर, लखनऊ, चापरा, बंकुरा ते ईशान्य बंगालच्या उपसागरापर्यंत कायम आहे.
Rain Alert
Rain AlertAgrowon
Published on
Updated on

Pune News : राज्यातील पावसाने उघडीप दिल्याने उन्हाचा चटका वाढला आहे. आज (ता. ४) पूर्व विदर्भ, दक्षिण मराठवाड्यात विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे. उर्वरित राज्यात अंशतः ढगाळ आकाश राहण्याचा, तसेच तुरळक ठिकाणी विजांसह हलक्या सरींचा अंदाज आहे.

मॉन्सूनचा आस असलेला कमी दाबाचा पट्टा अमृतसरपासून, चंडीगड, श्‍यामली, शहाजहानपूर, लखनऊ, चापरा, बंकुरा ते ईशान्य बंगालच्या उपसागरापर्यंत कायम आहे. बिहार आणि उत्तर प्रदेश परिसरावर समुद्र सपाटीपासून ४.५ किलोमीटर उंचीवर चक्राकार वारे वाहत आहेत. अरबी समुद्रापासून बंगालच्या उपसागरापर्यंत हवेचा कमी दाबाचा पट्टा तयार झाला आहे.

Rain Alert
Maharashtra Rain Forecast : ऑगस्टमध्ये कमजोर, सप्टेंबरमध्ये वाढणार जोर

मॉन्सून कमजोर झाल्याने राज्यात पावसाने उघडीप दिली आहे. रविवारी (ता. ३) सकाळपर्यंतच्या २४ तासांमध्ये राज्यात तुरळक ठिकाणी ढगाळ हवामानासह हलक्या ते मध्यम पावसाची हजेरी कायम आहे. पावसाने उघडीप देताच राज्यात उन्हाचा चटका आणि उकाड्यात वाढ झाली आहे. नागपूर येथे राज्यातील उच्चांकी ३४ अंश सेल्सिअस तापमानाची नोंद झाली.

Rain Alert
Monsoon Rain Issue: पावसाचा अडीचा डाव; पेरण्याही हिरमुसल्या

आज (ता. ४) सोलापूर, लातूर, धाराशिव, नांदेड, नागपूर, भंडारा, गोंदिया, चंद्रपूर, गडचिरोली जिल्ह्यांत विजांसह पावसाच्या सरींची शक्यता असल्याने सतर्कतेचा इशारा (येलो अलर्ट) आहे. उर्वरित राज्यात तुरळक ठिकाणी ढगाळ हवामान, ऊन-सावल्याच्या खेळात तुरळक ठिकाणी विजांसह पावसाची शक्यता हवामान विभागाने वर्तविली आहे.

रविवारी (ता. ३) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---२९.०---२१.०

अहिल्यानगर---३१.८---२१.५

‎‎धुळे---३२.०---१८.८

जळगाव---३२.५---२३.६

जेऊर---३३.५---२०.०

‎‎कोल्हापूर---२६.९---२१.८

‎महाबळेश्‍वर---१९.८---१६.६

मालेगाव---३२.२---२१.८

‎‎नाशिक---२८.३---२०.८

‎निफाड---२८.६---२०.०

‎सांगली---२९.४---२१.५

‎सातारा---२६.७---२१.१

‎सोलापूर---३३.०---२४.०

‎सांताक्रूझ---३०.२---२५.८

डहाणू---३१.९---२४.५

‎रत्नागिरी---३०.०---२४.६

‎छत्रपती संभाजीनगर---३१.२---२२.८

‎धाराशिव---२९.३---२१.४

‎परभणी---३२.६---२४.५

परभणी (कृषी)---३१.६---२३.६

‎‎अकोला---३३.६---२४.४

अमरावती---३१.४---२३.३

भंडारा---३०.०---२२.०

बुलडाणा---३१.२---२३.०

‎ब्रह्मपुरी---३३.२---२५.०

‎चंद्रपूर---३३.८---२५.८

‎गडचिरोली---३१.४---२५.२

‎गोंदिया---३२.६---२५.४

‎नागपूर---३४.०---२३.६

‎वर्धा---३३.०---२५.०

‎वाशीम---२९.६---२२.६

‎यवतमाळ---३२.०---२४.०

विजांसह पावसाचा इशारा (येलो अलर्ट) :

सोलापूर, लातूर, धाराशिव, नांदेड, नागपूर, भंडारा, गोंदिया, चंद्रपूर, गडचिरोली.

विजांसह पावसाची शक्यता :

रायगड, रत्नागिरी, नंदुरबार, धुळे, पुणे, सातारा, सांगली, कोल्हापूर, बीड, परभणी, हिंगोली.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com