Pune News: राज्यात उन्हाचा चटका तापदायक ठरत असल्याने उन्हाच्या झळांनी घामटा निघत आहे. आज (ता. २२) विदर्भातील अकोला, अमरावती, नागपूर आणि चंद्रपूर येथे उष्ण लाटेचा, तर कोकण आणि मराठवाड्यात तुरळक ठिकाणी उष्ण व दमट हवामानाचा अंदाज असल्याने दक्षतेचा इशारा (येलो अलर्ट) आहे. उर्वरित राज्यात अंशतः ढगाळ आकाशासह उन्हाची ताप कायम राहण्याची शक्यता हवामान विभागाने वर्तविली आहे.
उत्तर छत्तीसगडपासून तेलंगणा, रायलसीमा, तमिळनाडू ते मनारच्या आखातापर्यंत दक्षिणोत्तर हवेचा कमी दाबाचा पट्टा सक्रिय आहे. उन्हाचा चटका आणि उकाडा कायम असून, तुरळक ठिकाणी अंशतः ढगाळ हवामान अनुभवायला मिळत आहे. विदर्भ देशात उष्ण ठरत असून, देशातील पहिल्या दहा उष्ण शहरांत विदर्भातील पाच शहरांचा समावेश आहे.
सोमवारी (ता. २१) सकाळपर्यंतच्या २४ तासांमध्ये चंद्रपूर येथे राज्यातील उच्चांकी ४४.६ अंश सेल्सिअस तापमानाची नोंद झाली. अमरावती, अकोला, नागपूर आणि वर्धा येथे ४४ अंशांपेक्षा अधिक, यवतमाळ आणि सोलापूर येथे ४३ अंश सेल्सिअस तापमान नोंदले गेले. तर मालेगाव, गडचिरोली, वाशीम, परभणी, गोंदिया आणि जेऊर येथे पारा ४२ अंशांपार होता.
आज (ता. २२) विदर्भातील अकोला, अमरावती, नागपूर आणि चंद्रपूर येथे उष्ण लाट येण्याची शक्यता आहे. तसेच कोकणातील पालघर, ठाणे, मुंबई, रायगड, मराठवाड्यातील छत्रपती संभाजीनगर, जालना जिल्ह्यांत तुरळक ठिकाणी उष्ण व दमट हवामानाचा अंदाज असल्याने दक्षतेचा इशारा (येलो अलर्ट) देण्यात आला आहे. तर कोल्हापूर, सोलापूर, धाराशिव, लातूर, नांदेड येथे तुरळक ठिकाणी विजांसह पावसाला पोषक हवामान आहे. उर्वरित राज्यात अंशतः ढगाळ आकाश, उष्ण हवामानाचा अंदाज वर्तविण्यात आला आहे.
सोमवारी (ता. २१) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :
ठिकाणे---तापमान कमाल---तापमान किमान
पुणे---३८.७---२०.४
अहिल्यानगर---निरंक---२४.७
धुळे---४१.०---१८.६
जळगाव---४१.०---२४.६
जेऊर---४२.०---२०.०
कोल्हापूर---३७.७---२३.३
महाबळेश्वर---३२.५---२०.२
मालेगाव---४२.८---२३.२
नाशिक---३७.४---२०.५
निफाड---३८.४---१७.५
सांगली---३८.७---२३.७
सातारा---३९.९---२२.२
सोलापूर---४३.०---२६.६
सांताक्रूझ---३३.६---२५.१
डहाणू---३५.२---२४.५
रत्नागिरी---३३.४---२५.२
छत्रपती संभाजीनगर---४१.६---२५.२
धाराशिव---४१.८---२४.२
परभणी---४२.४---२५.५
परभणी (कृषी)---४१.८---२१.५
अकोला---४४.३---२६.५
अमरावती---४४.४---२४.७
भंडारा---४१.४---२६.४
बुलडाणा---३९.६---२५.८
चंद्रपूर---४४.६---निरंक
गडचिरोली---४२.६---२४.४
गोंदिया---४२.२---२६.६
नागपूर---४४.०---२४.५
वर्धा---४४.०---२५.५
वाशीम---४२.६---निरंक
यवतमाळ---४३.६---२५.२
सरासरी तापमान (अंश से.)
विभाग---किमान---कमाल
विदर्भ---२४.४---४४.६
मराठवाडा---२१.५---४२.४
पश्‍चिम महाराष्ट्र---२०.०---४३.०
उत्तर महाराष्ट्र---१७.५---४३.०
कोकण---२४.५---३५.२
उष्ण लाटेचा इशारा (येले अलर्ट) :
अकोला, अमरावती, नागपूर, चंद्रपूर.
उष्ण व दमट हवामानाचा इशारा (येलो अलर्ट) :
पालघर, ठाणे, मुंबई, रायगड, छत्रपती संभाजीनगर, जालना.
विजांसह पावसाची शक्यता :
कोल्हापूर, सोलापूर, धाराशिव, लातूर, नांदेड.
४३ अंशांपेक्षा अधिक तापमान असलेली ठिकाणे :
चंद्रपूर ४४.६, अमरावती ४४.४, अकोला ४४.३, नागपूर ४४, वर्धा ४४, यवतमाळ ४३.६, सोलापूर ४३.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.